Vayetse

Rav Yeuda ADONİ Köşe Yazısı
10 Kasım 2010 Çarşamba

Yaakov Avinu sole de Beer Şeva por irse a Haran. İndose a Haran pasa por el monte de Moriya. Serka la sivdad de luz. A se le aparese el Kriyador a Yaakov Avinu, i se prononso en dizyendo: Yo so el Kriyador de el mundo. La tyera ke tu estas eçado sovra eya te la vadar, a ti i a tu semen. No te espantes yo vo estar kon ti, ande te iras a yi yo te va manparar i te vo munchiguar a tu semen. Komo las estreas de los syelos. Tu vaza venser a todos ke keren el mol tuyo i vaza morar. Kon alegriya i gozo, kon tus ijos. Yaakov Avinu se esparto de su esfuenyo, se alegro muncho de este esfuenyo ke vido i nombro a la sivdad nombrada luz, Bet El kaza de Dyos. Kontenuo a su kamino i vino a Haran. Yaakov Avinu en Haran kazo i tuvo famiya. Despues ke estuvo, i lavoro 20 anyos a lado de Lavan desido de tornar a la kaza de su padre a Kenaan. Lavan la keriya danyar o Yaakov Avinu, ma el şem yitbarah no lo desho, izyeron un testamente entre Yaakov Avinu i lavan de no danyarsen de unos a los otros. Por sinyal de este testamento izyeron un monton de pyedras. Yaakov yamo a este monton Galed Lavan lo yamo yegar saaduta ya la sinyifikasyon de estos biervos es testimunyo entre nozotros.