Alüminyum Hurda Geri Dönüşüm

Shemot

Yosef muryo en mistrayim de edad de 110 anyos i lo enteraron en el bodre del Rio Nilos. Todo tyempo ke bivyo Yosef tuvyeron repozo bueno toda la famiya de Yaakov Avinu. Pero kuando muryo Yosef el podestador nuevo ke paso a su posto en mistrayim enkomendo ke le fraguen un palasyo grande. Los cudyos fueron forsados i eyos tambien de tomar parte i ayudar a esta fragua.

Despues ke muryeron todos los ijos de Yaakov enpesaron a sinyorear los Ejipyanos sovre la famiya de Yaakov avinu, kon fortaleza, les tomaron todos sus byenes. Lo ke trusheron kon eyos de la tyara de Kenaan i lo ke les desho Yosef. I los izyeron sirvir komo esklavos. Vyendo paro ke no esta alkansando a su buto, kuanto mas los afriian i apesgavan sus sirvimyentos en los kompos mas se avian muchiguando i enfortesyendosen. El reynado de mistrayim tomo desisyon de azer matar todo los ijos ke van a naser. Devista yamo paro a los komadres ke resivian a las paridas cudias. Ke se nombravan shifra i pua i les enkomendo ke kuando resiven a los nasidos de los cudyos, i ven ke es ijo, ke lo maten i si es ija ke la deshen biva. Ansi pensaron de atemar al puevlo cudyo.

El Kriyador no estuvo de akordo kon este mal pensamyento de los ejipsyanos. Las komadres espantandosen del Kriyador no dyeron enportansa a la enkomendansa de Paro i deshavan bivos a los ijos

Sovre el konsejo de Bilam i de otros savyos enkomendo klaramente ke todo ijo ke les nase a los cudyos ke le echen a el riyo.

Amram ijo de Keat despues de averle nasido una ijo nombrada Miryam i un ijo ke lo nombro Aaron se aparto i se kito de Yoheved su mujer i estuvo espartido tres anyos.

Sovre el konsejo de Miryam su ija, ke aun ke era muy chika ma era muy entelijente fue i tomo de nuevo a Yoheved su mujer i depues de syete mezes en el 7 adar les nasyo un ijo, ke el iva ser Moşe Rabenu.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın