Alüminyum Hurda Geri Dönüşüm

MATOT MASE

Los lrivos de Reuven i de GAD i medyo trivo de Menaşe teniyan munças ovjas i Kuatropeas seles aziya menester unas luguares de buen pasta i linas tyeras visyozas por pasear sus ovejas. Vyeron ke las tyeras muy visyozas i luguares de buenos prados ke serviya para sus menester, se premetyeron i fueron los grandes personajes de estos trivos Reuven i Gad, onde Moşe Rabenu i Elazar i alos grandes del puevlo. Rogaron a Moşe Rabenu si era posivle ke les dyera estas tyeras a eyas por sus parte de erensya en la tyera permetida. İ ke no las izyera pasar a eyos a la frontyera por la otra porte de el Yarden.

La  demanda de estas trivos, era una demanda afuera la razon. Todo el puevlo estuvo deskontente de esta propozisyon.

Moşe Rabenu se aravyo munço kon eyos por la ozadiya de dizir ke no los aga pasar el Yarden. Les dize vuestros ermanas ke vayan a gerear kon sus inimigos i vozotros kereş estar aki e vuestro repozo, ya vos olvidateş el mal grande ke izyeron vuestros padres. Kuando los mandi a eskulkar la tyera, ke eyos izyeron deskorajar los korasones  de  el puevlo i fueron kavzantes a ke muryeran todos enel dizyerto. İ ke estuvyeron 40 anyos enel dizyerto. Vos permetiteş de asemejarvos a vuestros padres. İ azer deskorajar otra ves a el puevlo.

Eyos responden dizyendo, ke sus eskopo ez por el menester de sus kuatro peas. Kon tu orden mozotros vamos a fraguar luguares par a nuestra ganado, i sivdades para nuestras famiyas. Nos vamos a armar vamos a gerear kon muestras inimigos i no vamos a tornar a nuestraz kazas asta ke vana repozar nuestros ermanos en suz tyeras.

Dize Moşe Rabenu si verdadmente vaja estar en vuestra prometa, seres limpyos ko en Dyo i kon la cente, entonses resivereş estas tyeras.

Moşe Rabenu les da orden ke fraguaran sivdades para sus famiyas i korales para sus orejas sigun demandaron.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın