Batya Natan

Bereşit

El Kriyador le dyo grande enportansa a el ombre ke kriyo. Lo tomo kon palavras dulses por darle luguar en el paradiso. Komo lo meldamos en la lektura de la Tora, i tomo el Kriyador a el ombre i lo pozo en gan eden. A ken prometen el paradizo i lo refuza?

Pero, en el primer ombre vemos la kontra, ke no kijo entrar a el paradizo, i lo tomo el Kriyador i le avlo palavras ke le va entrar en su korason komo lo meldamos en la Tora “Vayikah” i lo tomo Raşi eksplika el biervo “Vayikah” lo tomo, lo tomo kon palavras dulses. Antes ke kometyo “Adam Arişon” el primer ombre el pekado de komer el fruto defendido teniya grande valor vizavi el Kriyador su luguar era en gan eden enel paradizo, i igual a los angeles. El ombre era grande i no posedava el apetite malo “Yetser ara”. Ma, despues ke kometyo el pekado abaşo de su valor, i el Yetser ara, el apatite malo entro en su korason. Sigun lo eksplika Raşi, duspues komyo el fruto defendido de komer. El yetser ara se apatrono de el. Kuando abaşo de su valor el ombre fue permetido a el komer produktos de la tyera “Esev asade”. İ en la epoka de Noah fueron permetidos de komer karne.

El yetser ara, el apetite malo, syempre lo entrompese a el ombre. Kayin ke kometyo el pekado grande de matar a su ermano ev el, onde se iva se estremesiya la tyera, i las Kriyansas dizian tirodvoz de aki este es el ke mato a su ermano. Ken eran estas Kriyansas? No aviya en el mundo mas ke Adam i Hava. La kuatropea lo afeyaron a Kayin por kavza ke kometyo este pekado grande.

El Kriyador ke nos ayude syempre de pueder senser a nuestro apetite el malo nos enforteseremos en el afirmamyento de la Tora, i las enkomendansas de la tora i el şem yitbarah ke nos ayude syempre.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın
1320