Komo no avlar de “evolusyon” del nivel intelektual i artistiko de muestra komunidad? El “Dostluk” asosyasyon syempre aktiva desde su fundasyon, organiza aktualmente un muy interesante festival artistiko ke empeso el 7 i kontinuara asta el 20 del mez koryente.
El es konsakrado a varyos ramos del arte: eskultura, pintura, karikatura, fotografia ets... i realsa una vez mas el prestijyo kultural de muestra kolektividad.
La noche de avyertura, en prezensya de Silvyo Ovadya prezidente de muestra komunidad, uvo tambyen un ermozo konserto de pyano i kante egzekutido por Renan Kohen-Albukrek i Soprano Şebnem Ünal ansi ke varyas danses internasyonales.
Toda muestra admirasyon i muestras felisitasyones a estas eksepsyonales performansas artistikas.
