Los Judyos Siempre Fueron Kavras De Pekados En Kada Epıdemıya

El primer kavzo de Coronavirus se anonso el 3 de marzo. En el empesijo de Enero, los judyos fueron akuzados de difundir el virus, disho Alex Friedfeld, el investigador del Sentro de Ekstremizmo de la Liga Anti-Defamasion.

Dora NİYEGO Judeo-Espanyol
31 Mart 2020 Salı

Las personas ke publikan en plataformas de mesajes de teksto komo Telegram, kitaron la rumor ke el Coronavirus es un komplo judyo, disho Friedfeld. Los karteles tambien afirmaron ke los judyos estavan empleyando el Coronavirus para manipular la borsa para sus benefitos, i ke las kompaniyas judiyas patentaron una vaksina de Coronavirus munchos anyos antes, i agora tienen la intisyon de aprovechar de la vendida de esta vaksina.

Las semanas pasadas salyo un rumor antisemito; un ombre ke teniya los karakteristikos del stereotipo judyo konfeso su intisyon de aprovechar de la kriza de Coronavirus.

Aparte de echar la kulpa a los judyos por propajar el Coronavirus, los ekstremistos ekspresaron sus esperansa ke los judyos tambien van a ser viktimas del virus. Los posteres dizyendo ke Coronavirus entro a Israel tambien los alegro muncho, i en Telegram salyo un rumor dizyendo ke los enfektados se estan indo al supermerkado i estan tosyendo enriva de los alimentos kasher.

Jonathan Sarna, profesor de istoria judiya-amerikana en la Universidad de Brandeis, disho ke esta teoriya de konspirasyon es muy vyeja, i ke en todas las periyodas de epidemiyas los judyos fueron akuzados por propajar la hazinura.

En los medyos del siglo XIV, la Peste Negra aviya empesado a devastar la Evropa. Kuando eskapo, la populasyon jeneral en el mundo aminguo un tersyo. Komo kada vez, akuzaron a los judyos i disheron ke es una konspirasyon judiya, i komo rezultado los judyos sufrieron una terrivle persekusyon.

En el kontinente Evropa, disheron ke los judyos estavan entosigando los pozos kon la peste. Las komunidades judiyas evropeas fueron masakradas durante este tiempo, un periodo ke fue la "mas negra persekusyon de los judyos" antes del Olokosto.

La razon de esta duda fue ke la mortalidad fue mas poka entre las komunidades judiyas. La mortalidad fue mas poka porke una vez al anyo, los judyos alimpyavan sus depos de granos (tahıl deposu) para Pesah, i por esto los ratones ke son portadores de la peste no puediyan entrar aya.

Desde la Peste Negra asta la epidemiya de sarampyon en 2019, los judyos siempre fueron kavreas de pekados (günah keçisi) por propajar las epidemiyas.

Siz de yorumunuzu yapın

Tüm Yorumları Görün