kanada REklam

Yo no saviya este uzo de los Romanyotes…

Yo no saviya este uzo  de los Romanyotes…

Kualo es Alef?

Los djudios romanyotes tyenen munchos uzos diferentes de los sefaradim i syertos son unikos. Uno de estos uzos es el Alef. Un Alef es un tipo de sertifikado de nasimyento i amuleto ke se kreo para ke los bebes muevos nasidos seyan protejados de todos los males durante los 40 diyas posteriores a su berit mila. En el pasado, en las komunidades djudiyas en el mundo entero, parir i meter al mundo un bebe era asosyado a un peligro i risko, achakes de las altas proporsyones de mortalidad de la madre i del bebe. Por esta razon, una de las mezuras de proteksyon tomadas fue el uzo de un amuleto de nasimyento, un remedyo fiziko de defensa spiritual. Estos amuletos se metiyan tradisyonalamente enriva de la kuna del bebe i konteniyan varios nombres de “Adonay”, i syertas orasyones i simbolos kabalistikos. El nombre del bebe i de los djenitores, la data a la djudiya de nasimyento i los nombres de syertos andjelos estavan eskritos enriva del Alef. Los Alefes, en la istorya, se fabrikavan en las komunidades romanyotes de Ioannina, Trikala, Arta i Patras. Me ambezi ke la Kehila Kedosha Janina de New York se glorifika de tener la mijor i mas grande koleksyon de Alefes del mundo.

Aunke orijinalamente produizidos para ijikos ( se uzava de meter los Alefes despues de la Brit Milla), Kehila Kedosha Janina anunsyo ke estan orozos de ofreser Alefes kon enskripsyon personalizada tanto para ijikos komo para ijikas. I de otra parte dizen ke no es una kondisyon de ser un bebe para uzar el Alef!

El avizo egzakto de la Kehila Kedosha Janina sovre los Alefes es:

Kehila Kedosha Janina se glorifika de ofreser reproduksyones de Alefes Romanyotas! Esta es la primera vez desde la Segunda Gerra Mundial que se produsiran muevos Alefes para muestra komunidad. Kehila Kedosha Janina, aktualmente, es el manadero uniko en el mundo de muevos Alefes personalizados.

El dizenyo de los Alefes fueron kreados poko tyempo antes por el Rabino Amadeo Spagnoletto, rabino prinsipal de Floransa, ke es un Sofer maestro. El dizenyo fue modelado direktamente en bazando sovre otentikos Alefes Romanyotes orijinales.

Kualo dizir? Komo se dize en Turko: “41 vezes de Mashallah, el Dyo ke vos guadre de nazar”!

Ma ay unos kuantos anyos ke ampesaron a vinir munchos turistos, seya de aryentro del payis o seya de afuera. En dizyendo “munchos” no esto egzajerando. Munchos kero dizir ke ay diyas ke no se puede mizmo pasar a traves de esta muchedumbre. Siguro ke la isla normalmente ke no es muy apuevlada, se satura. Mozotros los moradores ni ke abashamos al charshi las fin de semanas. En kurto, todos estos turistos keren azer el torno de la isla. Siguro kon las talikas, ke para eyos es nostaljiya. Los kocheros (arabadjis) para ganar mas muncho, se van presto presto i tornan presto, ansina azen unos tornos demaziya. Dizeremos azen yarish. Aparte ke es danjerozo para los ke se van a pye, los poveretos kavayos en vezes no pueden mas i se kayen, se mueren. Desparte de esto, los moradores no topan talikas por ke los kocheros no keren klientes ke moran serka, por ke kosta mas poko ke los tornos. Despues de munchas keshas muestras, apartaron una estasyon spesyala para los moradores.

En supito salyo un haber ke van a alevantar las talikas i van a meter minibuses ke lavoran kon elektrisita. No uvo nada. Mas despues ampeso a salir motosikletas kon elektrisita. Para estas motosikletas en empesijo aviya permisyon solo para los viejos i los hazinos. De diya en diya pujaron estas motosikletas i kaje kada famiya se merko una, siguro illegalamente. I las botikas se merkaron motosikletas ke tienen detras lugar para meter sus bienes. Estas motosikletas de las botikas son konduizadas por mansevikos ke les plaze prestes.

Aparte de esto todo, entre los turistos ke vienen, los mansevos alkilan bisikletas. Ay entre eyos ke no saven konduizar bien. En vezes se kayen, en vezes peryen el kamino.

Ya vos imajinash el kaos ke azen en las islas.

El problem es ke no se esta puedyendo topar una solüsyon apropriada. Porke las talikas dependen de la Munisipalita Metropolitana, las motosikletas dependen de la Direksyon de Trafiko. I la Munisipalitad de la Isla no tiene dingun poder para topar una solüsyon.

Esta kestion se puede resolvar kon una grande koordinasyon i una grande planifikasyon. Asperando estamos …

 

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın