El mez de Adar i sus maraviyas alegra i aze gozar el puevlo judio. El pasaje de Purim mos ambeza de tener la esperansa solo en el Kriador...
Ensenyar a la mueva djenerasion de konservar muestra identitad i la pertenensia de las tradisiones relijiosas krea la posibilidad de aserkamiento. Desde siglos la Tora de Moshe es konsiderada komo la relijion de Moshe. Meldamos tambien ke las enkomendansas i las echas buenas se deven de azer kon GRANDE ENTUSYASMO POR APLIKAR SUS DOVERES...
Rengrasiamos el HAHAMBAŞILIK EĞITIM KOMISYONU (LA KOMISYON EDUKATIVA DEL GRAN RABINATO) por la inisiativa del livro. Rengrasiamos tambien los partisipantes por aver aparejado el livro sinyifikativo de la fiesta de PURIM...
Kada koza mueva ke meldamos, vemos, i oyimos mos yeva en otros mundos i una vizion, una rikeza de pensamiyento.
FIESTAS SIEMPRE...
***
Rav Albert Gerşon mos konta: en la perasha PEKUDE (el fasikul 9 marso 2019) ke distribuen en los kales me enteresa. Me permeto de partajar esta istoria:
Baron de Rothschild antes de murir yama a sus ijos i les konfia dos letras.
Les dize de avrir la primera apenas despues de su muerte i la sigunda despues de un mez.
Avren la primera i meldan el kontenido: “Ijos, mi dezeo es de desharvos ma kon la kondision ke me enterren kon mis kalsas djuntos...
Los ijos penseryozos izieron lo posivle kon difikultad para onorar sus padres ma no fue posivle. No permetieron los Rav’es de poder akseptar el dezeo del Baron malgrado la insistensia de los jovenes.
Despues un mez, kon enkietud avrieron la sigunda letra para meldarla.
“Lo se ke no pueditesh enterrarme kon mis kalsas. Por la razon ke no es permetido por la ALAHA. Estash kuriosos de saver la razon porke vos demandi una koza asemejante en la primera letra.
Keridos ijos miyos,
Vos kije dar una lisyon de vida. La persona pasa su vida en penando para arekojer moneda. El karar ke se esforse para arekojer, no puede yevarse kualker koza kuando mos desha la vida buena... Deve de saver ke solo SIERVE LA TORA I LAS MITSVAS SE PUEDEN YEVAR DJUNTOS I AKOMPANYAR LA PERSONA...
