En el 12 Septembre de 1941 (20 Elul 5701) un grupo de djudios de la Japonya embiyaron un telegrafo a Yerushalayim demandando ke dia es Yom Kippur: el Lunes 29 Septembre u Martes 30 Septembre de 1941. Unas kuantos syenes de estudiantes de yeshiva i sus famiyas reusheron a fuir de la Evropa okupada por los nazis i pudyeron arivar a Kobe, Japonya ande se instalaron. Aunke no depasaron la Linya de Data Internasyonal konvansyonel (una línya imaginarya ke aze un zigzag al oeste de Nueva Zelanda), esta linya fue eskojida por konvenyensa, i los djudios en Japonya no estavan seguros de la Linya de Data Internasyonal rekonosida por la ley-Halachah djudia. Si es de saver, un komentaryo del Talmud del siglo XII endika ke la linya se topa sej oras adelantre de Yerushalayim (90 grados al este de Yerushalayim), pasando por las Filipinas). Oy, la majoriya de los rabinos rekomendan de observar el dia en akordo kon el kalendaryo lokal.
