Can Evrensel
Un tiempo en la Amerika, aviya de ser una gerra grande i perikoloza. De los soldados ke gerreavan en la gerra, munchos avlavan solo en espanyol i no saviyan avlar el inglez. Para mandar haber de un kampo a otro, ke ya estavan todos buenos i sanos, les disheron de eskrivir “All Correct” (todo bueno u todo djusto en inglez). Estos soldados ispanikos, no saviendo eskrivir en inglez eskrivieron “Ol Korect” komo lo oyeron. Despues de eskrivir “Ol Korect” por sierto tiempo, lo akurtaron a “O.K.” pensando de si para si ke no es menesterozo de eskrivir tan largo. Siguro esto sinyifikava la mizma koza, ke todos estavan buenos. En muy poko tiempo, todos empesaron a eskrivir O.K. u OK en la Amerika por dizir “todo bueno” i de vista este biervo – ke se melda okey – se adopto en el mundo entero.
Omaje: P. R. Sarkar
