Muchas grasias a Rav YEUDA ADONİ ke mos konto ‘La Salidura del Ejipto’
En la media noche del 15 nisan en Ejipto EL PUEVLO DJUDYO FUE LIBERADO.
Paro mando a dizir ke puediyan salir de su pais, la tyerra de Goshen.
Los djudyos, esperando esta ora buena, prontos se rekojeron en el kartier Ramses a la demanyana del 15 Nisan. Despues de 210 anyos de aver estado sudjeftos, salieron todos djuntos, kon grande alegria i koraje.
El puevlo ejipsyano konosyendo la endjustisya a los kavos, vyeron tantas buendades de los djudyos ke kijeron regalarlos para afalagarlos.
El puevlo ke se salvo de Ejipto resivio muncha plata del puevlo ejipsyano.
Rav Albert Gerşon mos konto tambien del livro Rabenu Bahye Levavot
El biervo Yahudi: djudyo viene de Yeuda-Toda: RENGRASIAR al DIO.
Se deve de empesar el diya en dando loores.”Mode ani lefaneha”.
La persona ke no remarka las ermozuras de su vida, no puede alkansar al amor de Dio.
Ansi puedemos remarkar las buendades ke mos akonteseran i podramos pasar las siertas difikultades de muestra vida.
Se deve de mirar, rengrasiar por lo ke mos apartiene...
Las ideas komo:”Por ke razon el otro tiene i yo no?”, “Por ke razon el otro reusho i yo no?” no mos yevan en buen kamino.
Muestros penseryos se deven de kanalizar pozitivamente. Devemos dizir “El Dio esta kon mi”. Ansi es komo si trayemos “Korban Toda”.
Keridos lektores, vos oguro de fiestar PESAH kon ALEGRIA i PAS...
