Una Mujer Judia se esta preparando para reprezentar la Almanya en el konkurso de beyeza “Miss Universe”

Karen GERSON ŞARHON Judeo-Espanyol
29 Kasım 2017 Çarşamba

Tamar Morali, 21, disho al Jerusalem Post, ke es la primera mujer judia ke vino a este grado en este tipo de konkurso en Almanya. Eya ekspliko, “Yo veo este sukseso no solo komo personal ma tambien komo el sukseso de Israel i del puevlo judio en la Diaspora. Ke esto suksedo en Almanya, un pais kon una istoria komplikada kon los judios es muy importante.

 Morali nasio en Karlsruhe ma se engrandesio en Viena, Austria. Kuando tenia 17 anyos, se fue por un anyo a Israel i agora esta estudiando su universidad ayi. Eya dize ke es orgulyoza de ser una judia almana i ke la komunidad judia esta muy kontente de vivir en este pais oy. Tamar disho, “Los judios no se eskonden mas en Almanya. Eyos estan orgulyozos de aver sovrebivido i krearon una grande komunidad. Los Nazis tentaron a destruirmos ama estamos dainda aki i tenemos una boz i estamos mizmo kooperando kon los almanes.”

Esta semana se va votar para desidir las finalistas del final de “Miss Germany”.