Batya Natan

Los 200 Judios de Sefwi Wiawso, Ghana

Los 200 Judios de Sefwi Wiawso, Ghana

Sefwi Wiawso es una rejion leshana (uzak) al suroeste de Ghana. Entre las 1500 personas ke biven en Sefwi, una komunidad de 200 personas estan pratikando las tradisiones judias ke savemos: el berit de los muevos nasidos al ochen dia, reglas de komidas, komo no mezklar karne kon leche, o no komer karne de puerko, meldar pasajes de la Tora, i azer kumplimiento de minyan a los ijikos de tredje anyos.

Munchos anyos, los miembros de esta komunidad pensavan ke estan pratikando una relijion ke viene de las leyes de Moshe i de Avraham. Eyos no saviyan ke estas tradisiones relijiozas vienen de una relijion ke tiene un nombre, i ke se yama judaizmo. 

Ma, komo una komunidad judia se enstalo en un lugar tan leshos? No ay una repuesta korekta a esta kestion. Los miembros de esta komunidad estan diziendo ke eyos estan solo kontinuando las tradisiones de sus padres, i de sus abuelos. Los istorianos estan diziendo ke esta djente son judios ke se fuyeron aki de diferentes persekusiones, o puede ser ke son desendientes de una de las diez tribus pedridas de Israel.

Kualsikera teoria ke seyga, la realidad es muy enteresante. Viernes la noche, setenta famiyas deshan sus lavoros, se lavan, asienden kandelas, i se van a la orasion. El dia sigiente, selebran el Shabat.

Fin el anyo 1970, no saviyan ke son judios. En el anyo 1993, despues de muncho esfuerso, esta komunidad chika tuvo la kapasidad de konstruir una sinagoga. Este sukseso (başarı) lo deven al líder de la komunidad, David Ahenkorah.

De munchas partes del mundo, los judios les embiaron todo lo ke se tiene menester para pueder azer servisios en una sinagoga. Mezmo ke munchas kozas les manka, esta admirable komunidad judia de Ghana ke tienen tanta fe (inanç),  va kontinuar a egzistir.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın
567