Asendıendo La hanukıya...

La Fiesta de Hanuka es la Epoka de Mirakolos, komo la fiesta de Pesah, el tiempo en el ke se fiesta la salvasion. I Sukot, la fiesta en el ke se fiesta las maraviyas.

Esti SAUL Judeo-Espanyol
28 Aralık 2016 Çarşamba

La fiesta de Hanuka es la epoka de mirakolos i savemos ke estos dias del anyo kontinua a aklararmos de su maraviyoza luz sagrada...

El judaismo aksepta ke el tiempo no es “lineer” ma asemeja un “spiral”... El tiempo no es la koza ke viene i ke pasa.

La fuersa del akto ke se produsio por la primera vez, en la istoria, sin peryer de su partikularidad, se repeta tekstualmente kada anyo de la misma manera en akeyos dias del anyo...

Antes de asender la primera kandela de la hanukiya, devemos de meldar una beraha para realizar una mitsva.

La Beraha tiene por buto de pueder konsentrar el individuo a sus sentimientos a la mitsva ke el va realizar ulterioramente kon su alma i korason.

Las Berahas siempre empesan en adresandomos i alavando direktamente el Dio Baruhu.

Se deve de sintir la spiriualita, sintir ke estamos antes de todo delantre del Todo Poderozo.

Esperamos ke el amor i los mirakolos ke mos manda muestro Dio seran realizados en esta fiesta de Hanuka ke empeso el 24 desembre 2016.

Keridos Lektores, vos sueto una fiesta yena de mirakolos.

HAG HANUKA SAMEAH