La jaketa de Dachau

Dora NİYEGO Judeo-Espanyol
14 Aralık 2016 Çarşamba

Los sovrebivientes del Olokosto dizen ke el mazal les ayu-do para pueder kedar en vida. Benzion Peresecki, ke era el ijo de kinze anyos de un komersante de Lituania, fue uno de estos mazalozos, ma mezmo duspues del Olokosto, Benzion gerreyo muncho para konstruir su vida.

Diez anyos antes de la gerra, el padre de Benzion muryo de un ulser en el estomago. Su ermano fue asasinado por los nazis. Benzion fue forsado a entrar a un geto, lo emprizo-naron, lo aharvaron, i fue forsado a lavorar en el kampo de konsantrasion de Dachau. Despues de la liberasion, Ben-zion paso sinko anyos en un kampo de personas sin kazas, kon su madre, Chiena, ke sovrebivio ‘una marcha de muer-te’ en el kampo de konsantrasion de Stutthof.

Despues ke emigraron a los Estados Unidos, Benzion ger-reyo para reestablisar (tekrar kurmak) su identidad, topar remedio para el sufrimiento de su familia, i krear una mu-eva kaza. Despues de la gerra, Benzion guadro su jaketa de Dachau.

Benzion no ekspliko ni a su famiya ni a sus amigos, deke se la yevo la jaketa a New York. Mezmo sus ijos no supie-ron ke esta jaketa egziste.

Poko duspues su emigrasion a New York, Benzion troko su nombre, i lo izo “Ben Peres”. Ben i su madre bivieron, i lavoraron en Brooklyn, en Bronx, i en Manhattan. Tam-bien se fueron a los psikologos por sanarsen de las travmas ke sufrieron durante el Olokosto.

En el anyo 1968, Ben i su madre, Chiena, kon su mujer, Chaya, i sus dos ijos, Lorrie y Michael, finalmente merka-ron una kaza modesta en Bellmore, New York. Izieron las reparasiones de esta kaza, kon las pagas ke resivieron del governo aleman, mas de vente anyos despues de su libera-sion. Ben bivio en esta kaza fin ke muryo, en el anyo 1978.

El 4 de julio del anyo 2015, la jaketa de Ben, ke estuvo en su almario durante 65 anyos (i 37 anyos despues de su muerte), fue deskuvrida por una koleksionista de ropa, Jil-lian Eisman, en la vendita de la kaza de Benzion.

El nono de Jillian Eisman servio en la armada sovietika du-rante la Segunda Gerra Mundial, i su ermano fue asasinado en el 11 de septiembre.

Jillian Eisman inmediatamente rekonosio la jaketa komo un objeto de dolor. La merko por dos dolares, i la yevo al Sentro de Olokosto de Kupferberg para asegurarse ke los estudiantes i la djente ke vijitan el sentro, puedan ver la ja-keta, i puedan entender su sinyifikasion.

Mas de 1500 fotos i dokumentos fueron arekojidos de la kaza de Benzion. En vijitando el Sentro de Olokosto de Kopferberg, todos pueden ver esta jaketa, las fotos, i los dokumentos de la famiya de Benzion, i meldar la doloroza estoria de esta famiya.