Alüminyum Hurda Geri Dönüşüm

EL KANTON DEL ARTE

EL KANTON DEL ARTE

Kontinuando kon el mizmo sujeto, esta semana vamos avlar de İzel Rozental, el tambien konosido de muestros lektores kon su eslogano “Tünelin Ucu” (la Fin del Tunel). Nasido en Estambol en el anyo 1951, Rozental desina sus karikaturas en el “Şalom” desde diziocho (18) anyos. Se topa entre los fondadores (kurucular) del Sentro Artistiko Schneidertempel. Eskrivano/ karikaturisto, İzel Rozental es un artisto muy produktivo (üretken). Ultimamente (son olarak) publiko su syeten (7) album de karikatura.

Este album es kompuesto (içermek) de karikaturas politik i sosyal. Preparado en turko i inglez, el lavoro fue ekspozado en el Sentro Artistiko Schneidertempel entre las datas 23 Novembre- 7 Desembre. En este lavoro İzel Rozental arrekojyo sus desenes politik i sosyal, debasho de 6 titolos: “ Los Evropeos”, “Los otros”, “Los Ekolojistos”, “Los Demokratos”, “Los gerreadores”, i finalmente, “Los Trroristos”. A traverso los desenes simples del artisto, se esta analizando los problemas universal ke influensaron (etkilemiş olan) tambien muestro pais. Al lado de las karikaturas ekspozadas en el Sentro, i el syeten album de Rozental fue prezentado kon el titolo “AKVARYUM”...

Tornaremos por un momento a una data un poko mas leshana, a la Feria de Livro de Frankfurt. En esta aktividad (etkinlik) ke avyo sus puertas el 14 de Oktobre 2008, la Turkiya fue el envitado de onor (onur konuğu). Espesyalmente los fransezes se enteresaron bastante a las karikaturas de Rozental.

Entre las datas 10-15 del mez de Novembre 2008 se organizo un “Sempozyum” en la sivdad Wellington de la Mueva Zelanda. Vente (20) karikaturistos politik de diferentes paises se arrekojyeron en este “Sempozyum” tenyendo el eslogano “ Linyas para la PAZ”. Esta organizasyon fue un proyekto komun (ortak proje). El famozo karikaturisto fransez Plantu del jurnal “Le Monde” i el ansyano sekreter jeneral del U.N (Birleşmiş Milletler), Kofi Annan fueron los pionarios (öncü) de este proyekto. En orden alfabetiko los paises partisipantes son : Australiya, Austriya, Algeriya, Beljika, Estados-unidos, Fransiya, İngleterra, İsrael, Japonia, Kenya, Maleziya, Mueva Zelanda, Ollanda, Singapur, Suisa i Turkiya. 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın