Şelah leha

El puevlo Djudyo arivo al luguar nombrado Kodesh Barneo en los kavos del dizyerto de ‘Paran’. Arivando a este luguar, ya estavon muy serka de la treya prometido en un kurto tyempo ye puedian entrar a la tyera de Kenaan, la tyera prometida, del Kriyador i Moshe Rabenu, por konsolar al puevlo les dize: “Ermanos miyos, ya vos aserkatesh a el luguar ke nos prometyo El Kriyador. Mirad ke vuestro Kriyador, yo vos apronto lo tyera delantre vozotros, suvid i apatronadvos de eya sigun la veluntad del Kriyador sin myedo ni espanto de nada”.

Malorozamente el puevlo de akel tyempo no meresyo gozar, de la tyera bendicha i por sus mal konporto se deperdyeron i muryeron todos en akel dizyerto.

Las Djudyos sintyendo estas palavras de Moshe Rabenu, las entendyeron trokados i pensan ke por endelantre no vana tener mas protejador. I es ke kon sus fuersa i entelijensa tyenen ke suciguar la tyera prometida. Sovre esta se van todos sin regla ni respekto onde Moshe Rabenu i le dizen: “Ke keren mandar eyos personas a esta tyera, por ke eskulken i veyan i ke les avizen kual es el kamino ke vana tomar i kualas son la sivdades ke van a suchiguar i se olvidan enteramente ke Moshe Rabenu sus postor fidel esta kon eyos, i ke esto todo no apartyene a eyos de pensarlo.

El Todo Poderozo topa konvinivle sigun su alta saver de no defenderles esta demanda, i le dyo orden a Mohe Rabenu de desharlos azer su veluntad, solamente ke la enkomendo ke mandara doce personas onoradas, kaveseras del puevlo, uno de kada trivo, i ko ne fueron i na cente ordinarya, i le enkomendo ke la repuesta i lo ke vana ver. Ke se lo digan a Moshe Rabenu i ke entyendan ke el es sus kapo i rijidor.

Moshe Rabenu izo el komando del Todo Poderozo i tomo doce personas una de kada trivo, i las mando a la tyera de Kenaan dizyendoles ke eskulkaran la tyera en todos sus raportos, si es buena su klima o no. I la cente de ai ke manera son, si son fuertes o flakos, pokos o muncos i las sivdades ke moran si son enkastelyador o son avyertos. I les dyo a entender la direksyon ke tyenen ke tomar.

Las eskulkadores aparte de Kalev ben Yefune i Yeoşua bin Nun lo dyes eskulkadores dyeron un roporto desfavoravle, i kavzaron ke el puevlo Djudyo kedaron en el dizyerto 40 anyos.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın