Beaaloteha

La cente ajena ke estavan kon las ijos de İsrael (Erev Rav), dezearon munchas kozas sin menester. Kozas ke no se puediyan topar nos ke en las sivdades povladas i no en el dizyerto. El puevlo de İsrael sin apartar la diferensya ke ay de eyos a esta cente, i eyos yoraron dizyendo “ ken nos dora a komer karne?” İ enpesaron a rekordar de munchas kozas de muy poka enportansa ke teniyan en Ayifto debaldes. Myentres ke el mantenimyento ke teniyan en la mano ke era la magna, era una koza muy estimada en su saver i en su vista, en su limpyeza, ke entinyendo esto ez le mano no kaliya pensar por unas kozas de muy poka enportansa.

El puevlo se rekojeron en la puerta de su tyenda, famiyas enteras a yorar por este mal, ke les mankava todos estas kozas ke teniyan en Misrayim, en abondansa. Este konporto de la cente le desplazyo muncho a El Kriyador. Komo se olvidaron tan presto todos los buendades. Moshe Rabenu se topa en un estado de no pueder azer nada. El pensava ke la kulpa estava en el. Ke no esta savyendo giyar a el puevlo. El se kesha kon el Todo Poderozo dizyendo: “Ke pekado tuve ke me dates esta karga tan pezgada a no pueder suportar. De onde tengo yo karne para dar a komer a esta suma de puevlo ke estan yorando dizyendo: “Damos karne! Moshe Rabenu roga a El Kriyador ke si lo kere byen ke lo mate i no vera este mal ke no puede suportarlo.”

El Kriyador le dize a Moşe Rabenu: “Ke por endelantre no va tener el esta kantidad de yugo kon el puevlo. Le enkomendo ke eskojga 70 personas de las savyos de İsrael, ke son kompetentes de giyar a el puevlo. El Kriyador les va dar la fuersa ke rijan a el puevlo i le vana alivyanar el yugo de Moshe Rabenu. Le diras a el puevlo le dize El Kriyador, ke se apronten para manyana i komeran karne en abondansa. Tendron de komer fin a un mez. Ma ke sepan ke esta karne les va salir de la mariz. I antes de eskapar de komerla vana murir munchos de entre eyos.

Moshe Rabenu vyendo ke esta dadiva de la karne va ser por el mal de puevlo, Le roga al Kriyador de arepintirse de esto dizyendo: “Una vez ke esta es unas vanedades del puevlo. Eyos keren topar unas pretekstos”.

Moshe Rabenu rekonto a el puevlo ke El Kriyador ordena de eskojer 70 personas de los savyos del puevlo de las mas pertenesyentes de todos. Las aparo a el deredor del Mishkan. El Kriyador la favorizo i pozo sovre eyos supofetiziya.

Entre las personas ke fueron eskojidas para esta misyon aviya dos personas nombrados Eldad i Medad ke las kualos restaron en el  real del puevlo i no fueron delantre del Mishkan komo los otros 70 personas: Estos dos personajes ke no les salyo el goral, por esto restaron en el real i no fueron metidos delantre el Mishkan. Fueron profetizando, Moshe Rabenu fue avizado de parte su elevo Yeoshua ke estan profetizando en el real. El responde dizyendo: Ken syera ke todo el puevlo fueron profetas komo estas. El Kriyador izo arankar de la mar unas syertos aves nombrados Selav tanto era la muchidumbre ke se espandyo a el deredor de el real. El puevlo estuvo ekojendo dos diyas i una noche. Malorozamente ke este Selav fue por el mal del puevlo. Ainda tenyendo la karne el los dyentes mando El Kriyador una mortaldad. En el entarvalo de un mez muryeron muncha cente del puevlo. Por esta razon se yamo este luguar. Kivrot Ataava. Tombas de el dezeo.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın