Una Boda en Andirne

Este Alhad, el 29 del mez de Mayo, vamos a asistir a una boda en Andirne. Ke boda! La ija de Sara i Rifat Mitrani Güneş, ke se va kazar kon el mansevo (DAMADIN İSMİ) ijo de (DAMADIN ANNE BABASININ İSMİ). Kualo es el punto el mas emportante de esta boda? Es ke la boda de Güneş, la ija de Sara i Rifat va ser la primera boda ke se va realizar en la Sinagoga de Edirne dospues de la boda de su madre i padre. Reelmente esto es una grande koensidensya. El sinyor Rifat es el solo djudio ke bive dainda en Andirne i ke gana su vida teniendo un supermarket. Es un ombre ke lavora muncho i duro i reusho a ser un ombre de echos grandes en esta chika sivdad.

 Muestos dirijentes dieron un grande apoyo para ke se realize una boda en esta sivdad i en esta sinagoga. Mizmo dospues de la mueva ley, van a azer el kazamyento sivil en la Sinagoga dospues de la boda relijioza.

Tenemos el plazer de tener un hazan ke tiene una boz maraviyoza, el Hazan Nesim Beruhiyel, ke es responsavle de esta Sinagoga. Kreo ke va azer esta boda kon su ermano Viktor ke es Hazan del kal de Ortaköy. I va ser una fiesta por esta Sinagoga.  Vamos a ornar el Ehal a Kodesh kon unas kuantas Sefer Toras ke las vamos a trayer del Kal de Kuzguncuk. Kuzguncuk, su prezidente Adato, su Gabay Vitali Pinto, ke es kargado en mizmo tiempo de la Grande Sinagoga de Andirne estan muy emosyonados por esta boda. Kada vez azen lo ke pueden para ke la Sinagoga sea ornada de la mijor manera.

El Kazamyento Sivil va ser realizado por el Prezidente de la Munisi-palidad de la sivdad de Edirne, el sinyor Recep Gürkan. La semana pasada, kuando organizimos el konserto de Giora Feidman, el Maestro de la Muzika Klezmer en esta sinagoga reelmente fuimos muy kontentes de todo. Del komporto de los sivdadinos, del ayudo del gizador de ligados ke moz organizo el gizado kasher, del entereso de los Edirnelis por el konserto, mizmo el entereso de la prensa de esta sivdad. Es puedeser por la primera vez ke se organizo una komida en Edirne kompletamente kasher. Es vedra ke los tratamientos eran kasher el dia de la avyertura de la Sinagoga. Era el Barınyurt ke avia organizado estos tratamyentos.

Kreo ke la prensa va ser enteresada de la mizma manera el dia de la boda ma va ser mas difisil porke una boda no es una koza avyerta al publiko. Es un evenimiento personal i la famiya i los novyos no son ovligados de partajar sus alegrias kon la prensa. Ya savemos ke no va ser muy fasil de tener una otra boda en Edirne. Mi dezeo es ke esta boda sea filmada mizmo muy profesyonalmente para ke tengamos en muestros archivos.

Oguro una boda reushida i mazal bueno a la novia i al novio. Ke sus kazas tenga azlaha, sanedad i ke sean orozos.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın