Ki Tavo

İ sera ke kuando vineres a la tyera prometida. Ke el kriyador te da por eredar, i la eredareş, i morareş en eya tomaras de todos los primeros frutos de la tyera, i las pondras, en un sesto, i andoras al luguar, ke el kriyador eskojera, ayi su nombre, i vendraş a el koen ke fuere en akeyos diyas.

Kualo era el eskopo de esta enkomendarsa? En akeya epoka kada uno, i uno aziya su orasyon sigun se konsintiya ensi, i denusyava a el kriyador todos sus dezeyos de su korason. En dando los primeros frutos a el Koen en el santuvaryo delantre de el Kriyador en orasyonando i akseptando ke todo lo bueno ke el poseda es una dadiva de el kriyador bendiço el. El savyo Arambam en el livro More Nevuhim trae una razon por esta enkomendansa dizyendo: aregalar los primeros frutos, es enforteser la persona ensi mizmo la natura de jenerozidad i apokak sus dezeos de su alma. Tambien esta mitsva, enkomendansa enbeza a el ombre de ser umilde akeya persona ke es patron de kanpos i vinyas el mismo esta tomando el sesto de frutas en su ombro, i se lo esta yevando a el santuvaryo a darselo a el koen. Dunke este jesto aziya akodrar, ke nozotros fuimos esklavos en ejipto a Para i agora el kriyador nos dyo munço bueno i rikeza. Komo lo meldamos en la peraşa ‘Ekev’ no seya ke komeras i te artaras, i fraguaras kazas Buenos, i moraras en eyas, i tus ovejas se muçigruaran i plata i oro posedaras. En este estado se a enoltesera tu korason i te olvidaras del kriyador. Az munço atansiyon en el tyempo ke estas en la bondansa, de akodrarte ke el kriyador tu Dyo, es ke te da fuersa por azerte reuşir en tus lavoros. Oy ke no tenemos la enkomendansa de Bikurim los primeros frutos, no devemos de olvidar la mitsva de tsedaka, la tsedaka balda las setensyas fuertes, la tsedaka eskapa a la persona de la muerte. Komo lo dişo Yirmiyau el profeta de boka del kriyador, aze tsedaka kada una sigun su posibilidad. Komo yo aga kon vozotros, ansi baldare todas las setensyas. 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın