Vaethanan

“İ rogi a El Kriyador en akel tyempo dizyendo Sinyor de el mundo rogo azeme pasar i vere la buena tyera, akel monte bueno, i el Levanon, se ensanyo El Kriyador i me disho basta no me avles mas sovre este sujeto”.

Ansi enpesa la perasha de Vaethanan. Moshe Rabenu tyene un dezeo de ver la tyera prometida a nuestros avuelos.

Por tanto El Kriyador ya le disho ke el no va entrar a la tyera santa. El pastor fiel Moshe Rabenu estuvo 40 anyos cuntos kon el puevlo Djudyo en el dizyerto. Ya arivaron a el momento ultimo ke ya estan prontos a entrar a la tyera de Kenaan. Malgrado todo Moshe Rabenu aze 515 orasyones, ke le aga una mersed. Ke se apiade de el alo manko de ver solo esta tyera prometido. Por ke Moshe Rabenu ya savia muy bueno ke El Kriyador es grasyozo i piadozo. De este kavzo deprenden nuestros savyos i dizen en el Talmud: “La orasyon es mas valutoza afilu de azer echas buenas. Ansi le responde El Kriyador, suve a la punta de pisga i alsa tuz ojos al oksidente, i al norte, i al sud, i al oryente, i mira kon tus ojos, por ke no pasaras este Yarden”.

Moshe Rabenu, por ke la kumpla El Kriyador esto dezeo, izo munchos dialoges, aprovo de orasyonar, rogo ke El Kriyador le kumple esto dezeo. Le disho a El Kriyador “permeteme de ver la tyera”. Penso entre si, si le avia permeter de verla puede ser se apiadariya i lo aziya entrar.

Ma alkavo entendyo Moshe Rabenu, mas no le aprovechera, ni orasyones ni rogativas. La setensya ya fue dada: Ma por tanto devemos de saver, de no kontentaremos kon una sola orasyon si no ke devemos de pujar las orasyones. Por kavza ke El Kriyador dezea las orasyones de los custos. İ tambien ke la orasyon es mas valutoza i grande, de las echas buenas ke se azen sin orasyonar.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın