La modestia

La modestia

La modestia es el kontraryo del orgolyo.

No es; ser espantozo, ser insufizyente (yetersiz), tener deskonfiensa. La modestia es; saver lo pozitivo i lo negativo de sus valores, de sus kapachitades, i no mostrarse otro modo al entorno, no dar emportansa a las hadras, ma dar emportansa a si propyo.

No alavarse de si para si, i no asperar ke el den frente te alave. Todos ya savemos la sinyifikasyon de la modestia, de la semplisitad; ma lo emportante es; si lo estamos puedyendo aplikar.

Demanyana kuando salimos a la kaye, estamos puedyendo sonreir (gülümsemek) a kualkyer (herhangi bir) persona ke rankontramos en muestro kamino? Es difisil de dar un saludo?

Ay munchas personas ke trokan sus kaminos para no saludar, u no konoser al den frente.

Ayudar a un vyejo para ke pase en frente, o moralmente darle un apoyo es muy difisil? Ser riko es un detenimyento (engel) para no ayudar?

Kualo peryemos si somos modestos i si keremos bien al den frente sin tener un entereso, un profito?

Deke tenemos ambisyones? Deke trespizar al den frente para pueder reushir? Deke no saludar kuando tienes un titolo emportante? Esto proviene de no tener la kerensya de aryento del korason, i de no tener la maturitad (olgunluk) de dijerar (hazmetmek) el posto (makam) ke tyene.

Entonses vos kero dar el egzempyo del presidente de muestra komunitad İshak İbrahimzadeh ke es una persona intelijente, ke resolva todos los problemes kon una fasilitad, muy bueno de korason, ayuda a los ke tyenen menester en todos los puntos de vista (her alanda), i realiza este montante de akontesimyentos preokupantes, kon grande kerensya i kon muncha modestia.

El Dyo ke le de muncho bueno i ke este syempre en la kavesera de muestra komunitad.

Devemos de aminguar lo ke estamos asperando de la vida, arrepintirmos de muestras ambisyones.

Admeter (kabullenmek), akseptar todas las kozas negras ke vyene a la kavesa de una persona, adaptarse a la situasyon mueva para pueder kontinuar a bivir.

Lo mas emportante en la vida de una persona es;

La adaptasyon a los evenementos muevos.

La kerensya es la felisitad. La baza de la felisitad es; kontentarse de poko i ser lo ke somos (kendin olmak).

Ser mujer es un talento de organizasyon inkreivle. Las tradisyones son la baza de bivir i kontinuar la vida sovre las reglas. Si una mujer kere kualkyer koza, nada no la puede detener para reushir a azerlo i konkluir (sonuçlandırmak) la problema.

Una madre puede dirijir su famiya, spesyalamente sus ijos para ser yeno de amor a la famiya, a sus amigos, al entorno. El komportamyento de la madre i el padre en una famiya; sera un buen egzempyo para los mansevos.

Saludar, avlar kon el den frente sin grandeza, tener respekto al den frente i tener kudyo si nesesita una koza. Komportarse de esta manera es la mas grande edukasyon.

Vos oguro keridos mios; sanedad, reushitad, parnasa i muncha felisitad...

La felisitad esta en muestra mano. La felisitad es el punto de vista (bakış açısı) ke tenemos, ser pozitivos, ser aliados (dost), i kerer bien a todos sin asperar nada del den frente.

Ambezaremos a muestros ijos, ijas, a los mansevos la Kerensya; para ke puedan bivir orozos, sin enemistad (kin), kon devuamyento (fedakarlık) i kon respekto.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın