Tazria

La perasha nombrada Tazria trata de syertas yagas ke puede afitar en las personas. I ansi enpesa el kapitolo.

“I avlo El Kriyador a Moshe i a Aaron dizyendo ‘kuando un hombre tuvyere en el kuero de su karne komo yaga de Lepra, sea traido Aaron el Koen o a una de sus ijos los Koanim.”

Dunke de este verseto de la Tora se entyende ke el Koen se devia okuparse kon semejantes yagas. El Kriyador envelunta syempre la sanedad de la persona. Komo esta dicho: “Tu enveluntas el arepintimyento de los males i non sus muertes. Va dizeles a eyos, dicho de El Kriyador. ‘Yo envelunto la vida de mis kriyansas.” El Kriyador envelunta ke nos entremetamos en la ley i ke afirmemos las enkomendansas komo esta eskrito.

El Kriyador envelunto por su custedad se engrandesera la ley i se enfortesera.

Kuando kriyo el Todo Poderoso el mundo ansi es dicho:

“I yamo El Kriyador a la luz diya i la eskuridad noche.” El nombre de El Kriyador esta en la luz i no en la eskuridad. La luz es vidas, alegriya i bondansa, no komo la eskuridad.

Por tirar la atansiyon de el ombre ke no esta korekto, por un sinyo le mandava en el kuerpo una yaga nombrada Lepra. Emprimero viya manchas en la paredes de su kaza. Si se konsintiya i tornava a el kamino derecho era perdonada ainda si no pudo entender sus defektos, viya estas manchas en sus vistidos. Puede ser tornava en teshuva i El Kriyador lo perdonava ultimamente e ke lo viya en su kuerpo. El midrash dize:

“El Kriyador es piadozo, patron de la piadades malgrado nuestros defektos, el nos perdona sovre nuestra buena veluntade de teshuva arepintimyento.”

El Kriyador envelunta ke bivamos vidas de santedad, de limpyeza. Sovre todo de ser akavidados de todo lo ke va salir de muestro boka. De no pensar i avlar mal por ningunas. Ke puede santraer munchos males. Komo meldamos en las Perakim ke disho un savyo Shimon Beno: “No topi para mi salud mas ke estar kayado. Lo matsati lagus Tov, ela mishetika”.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın