Noah

Noah

Estos son jenerasyones de Noah. Noah varon custo, prinismo fue en sus jenerasyones; kon el Dyo kamino Noah. La perasha de Noah nos embeza ke en la epoka ke bivyo Noah toda la cente eran malas, i non buenos. Solamente Noah fue una persona custo-i bueno, ke kamino en kamino del Kriyador. Shelomo Ameleh dize bien aventuradas son los ijos de los tsadikim, de las personas custas.

El tsadik verdadero todos las echas ke el aze las aze a nombre del Kriyador. I no por mostrar a la cente, o por komprar grandeza, dizyendo yo so patron de Tsedaka, yo ago syempre bienfezensyas. El Kriyador aborese a la cente ke todo lo azen por grandeza. El menesterozo ke tomo ayudo de personas semejantes se arejestran i no pueden salir delantre la cente. Cente ke son patron de grandeza kavzan rejistro a el menesterozo ke tomo ayudo de el por kavza ke la konta a la cente i maz ke la grandeza es uno manya muy feya. Viyendo a la perasha ke nos konta ke Noah fue una persona custa i prinismo ke andava en kamino del Dyo. Noah todo lo ke aziya la aziya kon custedad i era komplido en su korason, ke su korason era atado kon El Kriyador. En el primer verseto de la perasha el nombre Noah esta repetado tres vezes: Estos son las jenerasyones de Noah. Noah era persona custa. Noah andava en el kamino del Kriyador. Esto sinyefiko ke Noah vido el estado bueno del mundo, las sivdades, la kalejas, i las plasas ;un mundo manyefiko. Despues vido la destruksiyon del mundo por kavza del delavyo ke trusho El Kriyador. I El Kriyador le amostro despues del deluvyo ke renuvelo el mundo. Dizen muestros savyos ke Noah fue ombre custo en un tyempo ke toda la cente eran negras i malos. Si el biviya en la epoka ke bivyo Avraam Avinu no iva ser tan konsederado. Ma ay dizyentes entre tanta cente non buenas ser custa amostra ke era fuerte en sus sintimyentos.

Noah en azyendo la arka ke le enkomendo El Kriyador, estava doktrinando a la cente ke tornaron en teshuva, ke se arepintyeron de la melisyo si no ke El Kriyador va destruir el mundo ma no fue sintido.

 

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın