El dia de las madres

El dia de  las madres

La semana pasada selebrimos el dia de las madres en el mundo entero.

Ken es madre? Kualo es la nosyon de madre?

La madre es una egzistensya fantastika ke gole al miskle (güzel kokmak), es un arvole de pasensya (sabır ağacı), es un monumento de fuersa (güç abidesi), ke proteja su marido i sus ijos, es una biva (canlı) ke menaja (idare etmek) a todos en su kaza i en su famiya, es limpya, es ordenada (düzenli); eya abolta todos los echos en su kaza, es una persona ke asigura el ekilibro entre la famiya.

Eya da su kerensya, sin asperar nada del den frente. Yena de kerensya es devuada (fedakar), es kultivada, yena de sentimyentos; kuando sus ijos estan tristes yora kon eyos i da el apoyo menesterozo.

La madre no kome, aze komer al den frente. Su dover es de ser un eskudo (kalkan) kontra todas las negriruras (kötü şeyler). Es un ancelo ke kere byen syempre al den frente sin dinguna replika (karşılık).

Mizmo ke no keremos, eya esta syempre allado de mozotros.

Mizmo ke mos engrandesemos, en su ojo syempre somos kriyaturas.

El manko de todo se puede inchir, ma el manko de una madre nunka no se inche.

“MADRE” es la sola persona ke no se puede deskrivir kon los byervos.

En avlando de “MADRE”, esta persona sakra i ke no se puede ramplasar, kero avlarvos de “EYAL OVADYA” ke tuvo la “Bar-Mitsva” shabat ultimo.

“EYAL” ijo de “LİKA i SİLVYO OVADYA” i ermano de

“İLANİT”, fyesto sus 13 anyos en “Neve-Shalom” kon su famiya, amigos i muncha djente.

A mi idea; la famiya es un konsepto (kavram) sakro ke no se puede komparar kon nada. En la baza de este konsepto ay; la amistad, el respekto, la kerensya i la piadad.

Los individuos (birey) de la famiya; partajamos las alegriyas, riyimos i pasamos el tyempo endjuntos.

Las alegriyas pujan kuando se partajan. Todos mozotros; mos ambezamos de muestra famiya, el kerer byen, el respekto, la natura i el kerer byen a las personas.

Shabat demanyana fue un sonyo (rüya) en el kal.

Los hazanes “Davit Sivi” i “Natan Siliki” kon sus bozes maraviyozas, i el mezamer “Beni Albukrek”, izyeron pasar momentos sentimentales (duygusal) a los envitados.

 “EYAL”; paresiya a un Prens grasyozo, luzyo i kon kara riyente. El enterpreto (yorumlamak) unas kuantas orasyones i su diskorso estava muy byen preparado.

Su profesor ke lo aparejo a este dia mirakolozo, el sinyor Haham “Aşer LEVİ”; una persona kultivada de grande valor i muy presyozo, de la sinagoga Neve-Shalom; tyene grande parte de ansenyar (öğretmek) a los mansevikos, kon muncha pasensya i dulsor.

Kada kriyatura refleta (yansıtmak) su famiya.

La famiya tyene un rolo emportante para desvelopar la kreativitad (yaratıcılık) de su ija u ijo.

La madre, emosyonada ma no mostrando sus sentimyentos paresiya a un ancelo kon su kara riyente i su atitud (duruş) novle.

El padre aktivo; ke tyene la kapachitad de azer munchas kozas en mizmo tyempo, estava kontrolando kon sus ojos entelijentes la fyesta i mirando su ijo kon orgolyo.

La nochada de la fyesta fue muy reushida, porke todo estava preparado por el divertimyento de las kriyaturas.

Djusto una Bar-Mitsva komo se deve de azer, sin hadras.

Eyal en la seremoniya de las 13 kandelas; en primero yamo a sus amigas i amigos, despues envito a las amigas psikologas de su madre, ke izyeron una deskripsyon de el maraviyoza. El grupo de amigos del padre i de la madre estava koza de ver. Kuatro amigos kon Eyal en medyo, izyeron una demonstrasyon (gösteri) de “Sirtaki” un bayle grego, veramente muy ermozo. Felisitasyones a todos…

A la fin yamo a su MADRE, en dizyendo ke su madre es su Vida (hayat), es su Mundo (dünya) i en remersyandola de la edukasyon ke le dyo fina oy.

İ la veluntad ke tyene su padre, ke para reushir se va, fin a la fin de la koza, i ke el lo apresya de aryento su korason.

Kero ogurar shans buena a EYAL, en su vida entera, reushitad, sanedad i felisitad kon su famiya i su entorno kerido.

El Dyo ke ayege a su madre i su padre tantos akorridos; de verlo komo keren eyos de aryento sus korasones.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın