Bo - Eleştirmek

Sigun konta en la perasha de la semana pasada en el enteri de un anyo, mando el dyo dyez yagaz una mas fuerte ke otra el Ejipto. Enprimero se trokaron las aguas en sangre, i muryeron los peshkados del riyo. Despues se muchiguaron en el riyo las ranas, ke salyeron de las aguas i kavzaron munchos danyo en la tyera. I se kon kriyo piyojos muy danyozos. I se ve unos animales krueles. I uvo una muertaldad en las kuatropeas ke izo muncho danyo. Una fuerte sarna la vino a todos los ejipsyanos asta no pueder suportar. I uvo un buen pedrisko ke danyo todos los frutos del kanpo.

I en la perasha ‘BO’ de esta semana meldamos la kontinuasyon de las yagas ke son la langosta ke baryo todo lo sembrado despues les mando el Dyo una fuerte i espesa eskuridad ke turo tres diyas i tres noches de una manera ke los izo kevrantar muncho, syendo no se puediyan meneyar kada uno luguar. Todos estos males fue suportando el Kruel Paro en  de estar en su kapricho i no mandar a los Djudyos de su tyera.

Kuando se apezgava la fortaleza de la yaga sovre el su puevlo, ya paresiya ke iva ablandar su korason i ya prome de dar la liberatad a los Djudyos. Apenas kalmava la yaga i teniya un poko repozo, se enduresiya su korason. De esta manera suporta Paro i todo su puevlo estas mueve yaga myentres ke todos los Djudyos, estando mismo mesklados kon los ejipsyanos no teniyan ningun mal.

La dyezena yaga (makat behorot) no pudo suportar asta el kavo, despues de sufriyir bastante ke todos los ijos mayores (behorot) de los ejipsyanos, de chiko asta grande, fin el ijo de Paro, muryeron todos de un en la medya noche i fue forsade Paro de parte su pude yamar en akel momento a Moshe i a Aaron rogarles ke salyeran eyos i todos los Djudyos del Ejipto, i ke rogaran por su vida.

En la medya noche del 15 Nisan de este anyo, mando a dizir a todo el puevlo Djudyo ke se topavan en la tyerra de Goshen, ke eyos eran liberos i ke puediyan salir de su pais. Los Djudyos ke ya estavan prontos esperando esta ora, se rekojer todos kon prisa en Ramses. A la manyana en el 15 Nisan salyeron todos los Djudyos del Ejipto kon grande koraje i alegre despues de aver estado en el Ejipto 210 anyos.

La suma del puevlo ke salyeron del Ejipto era 600 mil almas de ombres de 20 anyos para ariva, endesparte de mansevos manko de 20 anyos i de mujeres i kreaturas.

Los ejipsyanos konosyendo a los kovos la grande endjustisya ke kometyeron kon los Djudyos, i tambien ke vyeron ke ay Dyo en los syelos, ke paga a kada uno sigun sus echas, kijeron afalagarsen un poko kon eyos, i fueron regalandoles muncha plata i oro i pyedras presyazar i munchas kazaz valutozas i les aziyon demandar todo lo ke teniyan menester. Ansi saly los Djudyos de Mistrayim kon muncha rikeza sigun se lo prometi el todo poderozo a Avraam kuando le avizo lo ke teniya ke arivar a sus ijos. Komo esta eskrito en el livro Bereshit. Kapitolo 15 “i disho a Avraam, saver sepas ke tu semen sera peligrino en tyera ke no es suya, i los aran sirvir, i los afriyiran. I tambien a la djente ke los izyeron sirvir djuzgare yo, i despues de esto saldran kon ganansya grande.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın