Vayeşev

Entre todos los ijos de Yaakov, el mas savyo i entelijente de todos era Yosef el primer ijo de Rahel. İ su padre seya por su entelijensa  sea por ke era regalado de su madre lo amava mas ke a todos sus ermanos. İ en sinyal de su amistad le izo una kamiza de una ropa muy ermoza. Lo ke no izo a ninguno de sus ijos.

Vyendo esto las ermanos de Yosef, entraron en selo, i lo aboresyeron munço.

Yosef, aun ke era muy savyo i entelijente se konteniya sovre sus ermanos, vyendo de una parte ke el era mas entelijente ke eyos, i de otra parte, la amistad ke le mostrava su padre, mas ke todos sus ermanos.

En este enterval se sonyo Yosef dos esfuenyos. Los kualos demostravan ke el teniya ke ser sinyor i podestador de sus ermanos. İ el no no se travo de kontarlos a su padre i a sus ermanos.

Este konporto de Yosef no izo mas ke pujar el selo i la aboresyon de sus ermanos.

Estando los ijos de Yaakov Avinu paseando sus ovejas en Shehem kedaron mas tadre en el kampo; no vinyeron a kaza en su ora.

Yaakov Avinu, pensando no sea ke uvo algun aksidente, le dize a Yosef, ke vaya a traerle nuvelas de sus ermanos.

Yosef a un ke ya saviya ke sus ermanos lo aboresiyan, kon todo no refuzo el komando de su padre, i se fue para Shehem.

Sus ermanos ke lo vyeron de leşos vinir solo onde eyos, les pujo mas akeya ora el selo i la aboresyon. Desidaron  onde kitarlo del mundo.

Sovre el konsejo de Reuven uno de los ermanos de no matarlo kon sus manos, lo eçaron a un pozo ondo vaziyo ke aviya en el kanpo, despues de deznudarlo i kitarle la kamiza fina ke le izo su padre en sinyal de su amistad. Todos los yoros i rogativas de Yosef a sus ermanos fue sin ningun proveço.

Estando Yosef en el pozo, paso por ai merkadores ke viniyan de Midyan, i los ermanos lo venden a Yosef a estas personas.

De otra parte Reuven torna al pozo a salvar a Yosef de ai.

Ke el konsejo a sus ermanos de eçarlo a este pozo fue kon esta entisyon de salvarlo a Yosef. Ma malorozamente ke Yosef fue vendido por esklavo a Ejipto.

El padre Yaakov Avinu yoro por su pedrita munchos anyos.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın