Sukot HOL AMOED

Rav Yeuda ADONİ Köşe Yazısı
18 Eylül 2013 Çarşamba

Ansi es endikada la fyesta de Sukot.

El Kriyador la enkomenda a Moşe Rabenu dizyendo. Avla a los ijos de İsrael dizyendo a los kinze diyas de este mez, sera la fyesta de las Kavanyas por syete dias a el Kriyador. En el primer diya sera yamadura santa. No agash ninguna ovre de sirvisyo. Syete diyas fyestarash la fyesta. Tambien el sirvisyo. En el kinze de el mez setero, tyera, aresh fyesta a el Kriyador syete diyas, en el primer diya avra algansa i en el diya ocheno avra algansa i tomaresh para vozotros en el primer diya el fruto de arvol ermozo (Etrog). Roma de datile (Lulav) i rama de arvoles espesos (Ados-Murta) i ojas ke kresen en aroyos (Arava) i vos alegraresh delantre de el sinyor de mundo syete diyas i lo aresh fyesta a el Kriyador syete diyas en el anyo. De syempre sera por vozotros i por vuestros ijos. Todo el puevlo cudyo vos asentaresh i moraresh en Kavanyas. Para ke sepan vuestros desendyentes ke en kavanyas yo ize morar a los ijos de Israel Kuando dos kiti de la tyera de el ejipto.

La fyesta de Sukot nos enbeza ke el manporador nuestro es el Kriyador. Entrando a el invyerno ke todos tornar a sus kazas. Mozotros deshamos nuestras kazas i moramo en las kavanyas. (Suka) El tyempo ke ye se arekojo todo el produkto, pensamos i kreye. Mas todo apartyene a el todo poderozo.

El es ke nos rengrasyo kon todo lo bueno mke nos dyo. El techo da la suka no deve ser Muy alto. Alsando los ojos a el Techo de la suka entre las ojas i mos el syelo i nos akodramos, ke es el kenosda todo lo bueno a nozotros.

Tanbien los kuatro jeneros de produktor. Ke tomamos por orasyonar en el diya de Sukot. El etrog-el Lulav-la murta (ados) i la arava senbolizan la unyon de el puevlo cudyo i la unyon de la famiya cudiya. Valorozo, poko valorozo, sin valor, kada uno tyene su valor a ningunas no puedemos desochar. Todos semos ermanos i apartenemos a un puevlo devemos de onorarmos unos kon otros i amarmos porke semos ijos de un padre de el Kriyador el grande.

Hag Sameah.