Devarim

Savyendo Moşe Rabenu ke los diyas ke le restoran de bivir son pokos. Sigun el orden del Dyo, deve murir en el dizyerto i no entrar a la tyera de Kenaan, mando a yomar a todo el puevlo Cudyo, en el kuarentez anyo ke salyo el puevlo del Ejipto.

Enterval de este tyempo estuvo avlando i dandoles a entender a el puevlo dizyendo: Ke perkuren por el sostenimyento de la ley. K solamente ansi es ke pueden egzistir i prosperar.

Entre sus palavras, les izo akodrar los pasajes ke pasaron dizde ke salyeron del Ejipto fin akel diya. Las maraviyas i los milagros ke izo el todo poderozo kon los ejipsyanos en favor de el puevlo Cudyo. El diya tan gloryozo del resivimyento de la ley en el monte de Sinay. La vista temeroza ke veyorn kon sus ojoz. Los milagros i los pasajes temerozos ke pasaron en el dizyerto.

La desgrasya de la echa el bezero de oro. El mal ke trusheron los doce eskulkadores. La viktorya ke tuvyeron kon los doz reynados sihon i 06.

Despues les deklora toda la ley ke enkomendo el Kriyador. Lo ke diveyan de azer i lo ke no deviyan de azer.

Moşe Rabenu les enkomendo, ke syempre deven de ovedeser los komandos de la ley, sintir a sus giadores.

Agora era la ora de prezentar a Yeoshua Bin Nun dizyendo:

Ke el va ser sus giador, i kon el vana entrar a la tyera prometida a la tyera de Kenaan. Espartyo a kada trivo i trivo el luguar ande i va ser sus moradas i sus terminos. 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın