Vayikra

I yamo el Kriyador a Moşe, i le avlo de la tyenda del plazo (Mişkan santuvaryo) dizyendo: “Avla a los ijos de Israel i diles kuando un ombre de entre vozotros ayegara alsasyon de la Kuatropea a el Kriyador”.

En el Talmud nos enotika: El ombre ke trae un prezente a Yeruşalayim i ve el servisyo ke se rije en el santuvaryo, le vyene un sintimyento de Yirat Şamayim temor de dyos. El tyempo ke egsistiya el santuvaryo Yeruşalayim era una sivdad yena de temor de Dyos. Por esto es diço: Ki mitsiyon tetse tora Udvar Aşem Miruşalayim. De tsiyon sale la Tora, i la palavra de Dyos de Yeruşalayim.

El santuvaryo poza temor de Dyos sovre el ombre meldamos en el Talmud: Dize Rabenu Şimon ben Gamliel. No egsistyo diyas alegres en el puevlo de Israel komo diyas de Kipur i tu beav. Ke enestos diyas de Kipur i tu beav. Ke enestos diyas las ijas de İsrael se vistiyan vistimyentos blankas por no averguensar a las ke son menesterozas. I se enprestavan unas de las otras.

La alegriya de Yom aKipurim era, por kavza ke es diya de perdonansa.

Tu beav 15 de el mez de av, era el diya ultima te traer lenya a el santuvaryo por los korbanot. Las ke eran apropyados a esta misyon, se gustavan ke topavan tyempo para el estudyo de Tora.

Sigun meldamos en la peraşa; el ombre ke morova teşos de Yeruşalayim por ayegar el Korban se iva a Yeruşalayim. en el santuvaryo su korason se inchiya de alegriya.

Un midraş nos konta:

- Un pekador ke manera se pueda perdonar?

- El mal presige a el pekador.

- La visyon (nevua) la profeta responde disyendo la muerte lo perdona

- La Tora responde disyendo:

Ke trayga un kakrifisyo (Korban) i ke se perdone

- El Kriyador responde disyendo: Ke aga Teşuva i ke se perdone. Daki entendemos, la Teşuva, el arepintiymento es mos grande de un sakrifisyo.

Agora ke no egsiste santuvaryo, i tambien sakrifisyos. La orasyon ke azemos kon entisyon buena, suve a los syelos i nos eskapa de todo modo de mal komo es diço unsha lema Parim Sefatenu.

Nuestros lavyos ramplasan los sakrifisyos.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın