Alüminyum Hurda Geri Dönüşüm

Vayikra

Elevar a nuestros ninyos kon santedad i limpyeza.

İ yamo el Kriyador a Moşe. Kon este verseto enpesa la perasha Vayikra, ke es tambien la perasha primera de el treser livro de la Tora. Dizen nuestros savyos, kuando se ensenya el estudyo de la Tora a los elevos se enpesa de el livro treser de la Tora, el livro de Vayikra. Por ke disho el Todo poderozo, ke vengan los limpyos, las almikas sin pekado i ke se entremetan en la limpyeza i pureza. Ansi es el uzo. En el livro “Beera Şhel Miryam” dize, de aki nos enbezamos la ovligasyon ke tyenen los cinitores, de dar el estudyo relijyozo a sus kreaturas. Kuando enpesa una kreatura a el estudyo de la Tora deve de enpesar kon santedad i limpyeza i pureza ke es enkomendansa de el Kriyador. “Ke vengan  los limpyos i ke se entremetan en la limpyeza. Por las almas limpyas de los ninyos, devemos de azer todo lo ke es posible de konservar sus espritas, kon pureza, limpyeza, i santedad. Las bozizikas lindas, meldan de las kreaturas ke meldan Tora, alegra nuestro korason.

El livro de Vayikra ke trata de los sakrifisyos, nos enbeza, ke kuando egzistiya nuestro santuvaryo, los korbanot alimpyavan las almas i los espritos de las personas de sus pekados i dilitos. Las personas de sus pekados i dilitos. La jenerozidad es una kualidad ekselante para la persona. Komo dize el verseto por la fragua de el santuvaryo. “De kada persona ke envelunta su korason, el ke ayega su korban de alma i de korason se konta komo se ayegara asi mismo a el Kriyador. En la Tora vemos munchas enkomendansas ke no es taksada su kantidad, kere dizir el Kriyador lo desho a su posibilidad de la persona. Ansi ke munchas korbanot, se ayegaran sigun la veluntad de el ombre. Si no ay ninguna ovligasyon por ke razon fuimos enkomendados?

Rabi Yaakov Kanyaboski responde a esta demanda dizyendo: La jenerozidad ke aze el ombre por nombre de el Kriyador, malgrado ke no es enkomendado, es un servisyo ke esta azyendo a nombre de el Kriyador, i su korason se le inche kon amor de Dyos. İ tyene syempre espanto de el Kriyador.

La Tora nos enkomendo de amar a el Kriyador. Komo lo meldamos en la Shema vaza amar a tu Dyo. Es ovligado el ombre de alkansar a este sintimyento.

La jenerozidad lo trae a el ombre a estos buenos sintimyentos. 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın