Vayhi

Rav Yeuda ADONİ Köşe Yazısı
4 Ocak 2012 Çarşamba

Arivando Yaakov a la edad de 147 anyos i vyendose ke sus diyas se estan aserkando para murir, yamo a su ijo Yosef i le rogo ze azarle una grande favor, de no entrelarlo despues de su muerte en la tyera de Mistrayim, de yevarlo a la tyera de Kenaan i enterrarlo en la meara ke estan enterados su avuelos Avraam i Yitshak. Yosef curo de azer el komando de su padre.

Despues un syerto tyempo, estando hazino Yaakov, fue Yosef kon sus ijos a ver a su padre. Lo resivyo kon muncha onra i amistad, lo bendisho a el i a sus ijos, Menashe i Efrayim sean konsiderados komo dos ijos de Yaakov. Yamo tambyen a todos sus ijos i les enkomendo ke se konporten de buena manera i kon amistad unos kon otros, i ke syervan a lo Dyo santo eyos: toda sus famiya. Los bendisho  a kada uno i uno sigun su meresimyento, i se espartyo Yaakov de este mundo.

La novedad de la muerte de Yaakov se sintyo en todo el Ejipto i su ijo Yosef i todos sus ermanos i todo la famiya yoraron i endeceron a sus padre. I todo el Ejipto se alimunyaron, i lo yoraron 70 diyas.

Pasando los 70 diyas de limunyo demando Yosef lesensya de Paro de ir i yevar a su padre a enterrarlo a la tyera de Kenaan.

Paro le dyo orden de azer sigun le enkomendo su padre, i ordeno en mismo tyempo ke seya akonpanyado de todos las personajes de la sivdad por onor Yaakov i Yosef su ijo. I ke se le aga onra grande. Ansi lo yevaron a la tyera de Kenaan a Hevron kon muncha onra. Todos los podestadores de los luguares ke pasavan se izyeron un dover de asistir. I todos lo endecharon a Yaakov Avinu.

Despues ke paso un syerto tyempo muryo Yosef de edad de 110 anyos. I lo enteraron enel bodre del riyo Nilos. Antes de murirse enkomendo a sus ijos en arivando el tyempo, ke el Kriyador las va kitar de ai, ke tomen kon eyos a el i enteren sus guesos en la tyera de Kenaan.

En la salidura de el Ejipto no manko Moşe Rabenu de kumplar el dezeo de Yosef Atsadik.