La bushkida del senso de la persona

Viktor Frankl fue un psikiyatr famozo del sieklo 20. La semana pasada tuve la okazyon de meldar su livro kon el titolo de “La Bushkida del Senso de la Persona” (İnsanın Anlam Arayışı) muy enteresante, ke troko una partida de mis ideas en el punto de vista; de la vida, del senso de la vida, de las personas, kualo esta asperando la vida de mozotros, i sovre munchos otros sujetos.

Viktor Frankl; en su livro mos dyo a entender kon detalyos, las eksperiensas ke el paso en el kampo de “Auschwitz” en la sigunda gerra mondial, ke estuvo tres anyos; i los prensipyos (ilke) del “LOGOTERAPİ”, ke es una sistema (yöntem) de terapi, ke el fondyo.

Lo mas emportante es ke el bushko una repuesta a esta demanda.

“Kualo es lo ke aze al umano, una persona?

(İnsanı insan yapan nedir?)

Veramente lo ke se tyene menester, no es lo ke estamos asperando de la vida, esto no es emportante, ma lo emportante es de ambezarmos lo ke la vida esta asperando de mozotros. İ ambezar esto al den frente, a las personas ke no tyenen mas esperansa.

Kualo es la vida? La vida es topar solusyones djustas a las problemas, i para kada persona  de realizar sus misyones (görev) kon responsabilitad (sorumluluk).

 El eskrivano se sintyo muy mazalozo ke se puido salvar de este kampo, i esta kontando en su livro; la emportansa de topar un senso para ke la persona pueda bivir.

En lo ke meldi este livro, tomi notas i puedo dizir ke; partisipi a sus ideas de aryento del korason.

Kualo es la baza de la diferensya de la Psikanaliz i Logoterapi?

Viktor Frankl esta eksplikando en dizyendo ke; “En una seans de psikanaliz, el hazino se espande a una kama i el konta en vezes kozas ke no son agradavles (hoş) para kontar. En logoterapi; el hazino esta asentado en una siya i puede oyir en vezes kozas ke no son agradavles para oyir.

“La persona deviya de  komportarse kon sezudeza (sağ duyu) mizmo en este kampo, ande la vida estava muy difisil para bivir, kadal dia asperando la muerte.

El defendyo (savunmak) syempre esta idea.

“Lo ke vyene a la kavesa de un umano, mizmo si es muy negro, kon sufriensas; el benadam deve de luchar (mücadele etmek) para pueder kontinuar a bivir.”

Para el eskrivano kale bushkar el senso de la vida; no aryento del benadam mizmo, ma en el mundo de afuera, en el mundo eksteryor (dışımızdaki).

Logoterapi es el buto de topar el senso (anlam), para pueder atar a las personas a la vida.

Para el  “la Verdad es; ke la persona se puede eskarinyar solamente de la Kerensya. El buto (hedef) el mas alto es la Kerensya.

La persona ke tyene una razon para bivir, puede sumeterse (katlanmak) a todo modo de difikultades en su vida.

 Kefi de la Logoterapi; puedemos deskuvrir (keşfetmek) el senso de la vida; de tres kaminos diferentes.

- Kreando (yaratmak) una ovra u azyendo un echo diferente.

- Tenyendo kudyo de una persona, de todos sus menesteres.

- Tenyendo un komporto (tavır) ekilibrado enfrente de las dolores.

Kerer byen al den frente es lo mas prensipal.

La persona tyene un potansyel muy grande.

El puede trokar una trajediya personal (kişisel) a un trionfo (zafer) kon su potansyel.

Azer buendades, tener konfiensa (inanç), ser edukado son los prensipyos de pueder topar la sinyifikasyon de muestra egzistensya.”

Keridos Lektores; el Mundo, el Medio Oryente (Ortadoğu) i İsrael esta pasando unos dias ariskuros.

Las revoltas (isyan) de los puevlos para diferentes sujetos  estan azyendo muncho mal al mundo entero. Personas sin pekados se estan muryendo.

Esto todo esta proviniendo; de las personas ke no tyenen tolerensya, ke no tyenen amor del humanizmo.

El problem es bazado enriva de la kerensya, i la amistad, ke malorosamente oy se esta apokando i kon tyempo no va egzistir mas.

Yo penso; ke oy el materyalizmo esta mas a delantre ke las ideas spirituales. Todos devemos de azer lo ke mos vyene de la mano, si no, todo va ser mas negro.

Para bivir en pas; kereremos byen al den frente, no seremos egoistos, azeremos byenfesensyas i ayudaremos al den frente. 

La Kerensya es la Vida. De la Kerensya nase el fruto del Avenir. El Avenir lo prensipal para mozotros, i para muestros ijos, para bivir kon Pas i Amor  en el Mundo entero.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın