El pezgo de la vida

Kualo es la vida?

Kualo es el buto de la persona en la vida?

La vida es un tyempo determinado (belirli) ke el todo Puederoso mos dyo a la umanitad, a las personas.

Determinado porke la vida tyene un empesijo i una fin.

La vida es; ver, oyir, tomar kontakto (temas etmek), sentir (hissetmek), gozar (tadını çıkarmak) i pueder azer todos los movimyentos fizikos (fiziksel hareketler).

Todos se pueden demandar en una epoka de sus vidas, kualo es la sinyifikasyon de este byervo?, i se topa repuestas de si para si.

La persona nase, se engrandese, se va a las eskolas, aze estudyos altos para pueder tener una profesyon, topa echo, lavora de dia i de noche para reushir i para pueder enalteser la kalitad de bivir i pueder ganar mas muncho, aze kompetisyon (yarış) kon los otros, u aze haveransa (ortaklık) kon konosidos, aze grande esforsos para kontinuar las relasyones en un nivel (seviye) normal, i protejar (korumak) sus famiyas de todo modo de negregura (kötülük).

Entremientes, kon los anyos la persona gana fuersa (güç kazanmak) i utiliza (kullanmak) esta fuersa.

Las kriyaturas nasen, los paryentes se esforsan para pueder engrandeserlos de una manera perfekta.

La persona kale ke adelante en su kamino kon muncha sezudeza (aklı selim).

Eyos biven kon vertud (erdem), lavoran komo volontaryos para ayudar a los ke tyenen menester, lavoran para la djustisya (adalet), i de esta manera ayegan (erişmek) al repozo de la alma (ruh huzuru).

De ves en kuando vyene un momento ke la vida aplika (uygular) una presyon (baskı) ke mos trespiza (ezmek) debasho los pezgos!...

Los echos, las problemas en todo modo punto de vista, mo se apezgan delantre muestros ojos mas de lo ke son.

En el dor ke bivimos, la vida esta muy difisil i muy pezgada para todos, chikos, grandes, mansevos, aedados, hazinos, sanos...

En lugar ke la vida mos komande, mozos devemos de dirijarla (yönetmek) i de ser mas fuertes de la vida!...

Kreygo ke estamos engrandesyendo las problemas.

En esto vos kero kontar una istorya:

Dos papazes iyindo en el kamino; se apersiven de una mujer manseva ke kere pasar enfrente de un rio (dere). El uno la toma en brasoz i la pasa enfrente.

El otro lo mira enkantado (hayretle), i no topa de djusto lo ke izo. Se inyerva i le demanda kon una boz muy atagantada. “Komo puedes azer una koza ansina?

Mozos somos papazes. Desha de tomarla i pasarla enfrente; es defendido de mirar mizmo las mujeres para mozotros!... El amigo le responde kon una boz repozada, i muy kalmo, le dize:

“Yo la deshi a la mujer un kilometro atras. Tu? Tu dainda estas aya. Dainda la estas transportando (taşımak). Olvidate, lo ke paso ya paso. Miraremos delantre a muestro kamino”.

Mos olvidaremos de lo ke paso i biviremos el dia de oy.

Rogaremos al todo el Puederoso; ke no mos de pezgos ke no puedemos transportar!...

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın