Haye Sara

Rav Yeuda ADONİ Köşe Yazısı
27 Ekim 2010 Çarşamba

Sara nuestra madre muryo a la edad de 127 anyos. Kuando arivo Avraam Avinu a Beer ?eva, sintyo la muerte de su mujer i se fue a Hevron por yorar i endecor por su mujer. Avraam Avinu Kijo enterar a su mujer en la meara nombrada “MEARAT AMAHPELA”. Kijo seer patron de este luguar. Tambien apropyarselo por luguar de enteramyento para el i su famiya.

Entonses los patrones de este luguar eran los ijos de HET de la famiya de Kenaan. Avraam Avinu se aderesa a el Kapo de eyos, un syerto nombrado EFRON por tratar sovre este partekular.

Efron le dize a Avraam Avinu ke el se puede apatronear de la meara sin pagar ninguna paga.

Ma Avraam Avinu refuza de resivir este regalo i la merka la meara por 400 ?ekalim de plata, delantre todos los personajes de la sivdad.

Avraam entero a su mujer Sara en la Mearat amahpela.

Kuando Yitshak  Avinu arivo a edad de 40 anyos Avraam Avinu yamo a su esklavo Eliezer ke era kapo de su Kaza. Le enkomendo de irse a su tyerra a Aram Naarayim onde moravan la famiya de su padre. Por tomar mujer a su ijo Yitshak ke su dezeo era de kazarlo. Avraam Avinu no ijo ke Yitshak tomara alguna ija de los Kenaanim.

Eliezer sin pedrer tyempo izo sus apareyos, partyo para Aram Naarayim a la sivdad ke morava Nahor ermano de Avraam Avinu.

Kon ayuda de Dyos, kuando arivo Eliezer a HARAN ankontro a la ninya Rivka ke estava incendo agua de Nahor.

Eliezer se da a konoser, i denusya su misyon i por ke se topa ai. Devista akseptaron la famiya de Rivka de mandarla a Rivka onde Avraam Avinu por kazarse kon Yitshak Avinu. Le demandan a Rivka si eya envelunta de irse. Kon su kontentez la mandaron a Rivka kon Eliezer cuntos kon devora su kriadera.

Yitshak resivyo a Rivka se la yeva a ke tyenda de su madre Sara i la tomo por mujer.

Despues del kazamyento de Yitshak Avinu tomo Avraam una mujer nombrada Ketura i tuvo ijos. Avraam Avinu les dyo a sus ijos muncas dadivas (regalos) i los mando a las tyeras oryantales.

Yismael se aparto de Avraam su padre i se fue kon toda su famiya a el dizyerto de Paran i mora serka el Ejipto.