La fın de una mısyon emportante

La fın de una mısyon emportante

Pensa a una persona;  ke puede avlar kon dos personas en el mizmo momento (aynı anda), i dar la repuesta djusta, ke puede gerrear de una manera onesta (dürüstçe) kon los dezakordos (anlaşmazlık), ke aze su echo muy bueno, ke aksepta las novedades (yenilik) en todos los puntos de vista (her açıdan), ke tyene komo prensipyo de ayudar a todos los ke tyenen menester, i munchas otras kalitades emportantes para ser, sej anyos el Presidente de muestra Komunitad.

Silvyo Ovadya; ombre muy entelijente, korajozo, muy laboryozo, ke no troko su personalitad (kişilik) kon dinguna valor (hiçbir değer), es una persona ke kon su saverisyo (bilgi) i kon su personalitad, adjusto (katmak) al den frente munchas valores para pueder reushir en su misyon sakra (kutsal).

Mizmo ke tyene un ijiko chiko, el lavoro de alma i de korason, sej anyos komo volontaryo, sin tener ora, peno, de dia i de noche sin tener dinguna seguridad (güvenlik) para si mizmo, pensando siempre al provecho (yarar) de la komunitad.

El tyene un korason riko (kalbi zengin), tyene konfiensa en si mizmo (kendine güvenir), la responsabilitad del dover, es djusto (adil), una personalitad dechidido (azimli), reusho en munchos espasyos; komo la politika, avlo en la televizyon en el tyempo de la gerra de Gazza, kon grande koraje, la alma en la palma.

Kale agradeser este komporto ke tuvo, i syempre defendyo las personas de su komunitad kon sezudeza (aklı selim).

Todos no pueden tener en esta edad; esta kapachitad de ser dirijente, kon una vizyon syempre pozitiva i fruktuoza (verimli).  En su perioda uvo munchos problemas ke las rezolvo (çözmek), kon su enerjiya sin fin, kon su modestiya (mütevazi) i sin tener dingun intereso personal.

El asistyo kaji a todos los evenementos ke uvo en la komunitad komo; bodas, brit-millas, bar-mitsvas, funerales, ekspozisyones, avyertura (açılış) de museos, teatros, konferensyas i munchos otros evenementos.

Para pueder alkansar a todo; kale una fuersa espesyal, una ardor (şevk, istek) kontinualamente, i un apoyo (destek) moral. Kreativo de munchos proyektos; Silvyo Ovadya dyo una emportansa muy grande a la lingua djudeo-espanyol, para ke no se despareska (yokolmak).

Kale agradeser el apoyo de la mujer Lika Ovadya; persona presyoza, de konfiensa, psikologa i muy kultivada.

Se dize ke; “De detras de un marido reushido, ay syempre una mujer”; ya es verdad.

Eya kon su dulsor, menajo (idare etmek)  a su marido en esta perioda difisil.

Kreygo ke; durante estos sej anyos, su famiya no lo vido ni sej dias.

Persona estimada, presyoza i de grandes aktivitades; el supo ekilibrar todas las relasyones entre el estado i la komunitad; kon su semplisitad, senseritad, i sin espanto.

Kerido Silvyo; terminates tu misyon kon grande reushitad i kapachitad; ma tus doveres no se eskaparon.

Los proyektos muevos i los vyejos  estan asperando tu kreativitad para pueder realizarsen.

Te oguro ke tengas una vida kon tu mujer, ija i ijo yena de sanedad, prosperidad, felisidad (mutluluk) i muncha reushitad. 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın