Ki Tisa

Rav Yeuda ADONİ Köşe Yazısı
3 Mart 2010 Çarşamba

Moşe Rabenu suvyo al monte de Sinay. El puevlo estavan esperando en sus tyendas, la ora ke va vnir Moşe Rabenu. Por razon ke no les dişo ke kantidad de tyempo va kedorse ai, porke ni el mizmo savia. Eyas pudyeron pasensya fin 40 diyas EL -40- kuarenten diya, era diya de 17 Tamuz, se despasenyaron munço syendo ke no ay ningun sinyol de el, pensaron por siguro ke Moşe Rabenu miryo, syendo no tomo kon el ninguna koza de mantenimyento, vyeran ke no abaşava la magna en el monte de Sinay. Sovre esto se rekojen el puevlo entero sovre Aaron dizyendole ke les aga un dyo, para ke kamine delantre de eyos. Syendo Moşe Rabenu ke los kito del Ejipto, no saven ke es de el, siguro le a konte seriya algun dezastre.

Aaron, syendo de una parte ke el puevlo esta muy furyozo, i de otra parte, lo ke demandan es vanedades, no kijo refuzarles. Les dize ke le traygan las coyas de sus mujeres i kreaturas koza ke es muy difisil ke no akseptoran los miyeres i los kreaturas a dar sus coyas. Ma la cente ke se mesklaron kon los ijos de İsrael en solyendo del Ejipto ke ya eran auz ados a la idolotriyo no refuzaron a responder a la demanda de Aaron.

Aaron, tomo todo el oro i lo metyo a la lumbre i salyo una forma de un bezero. El puevlo no penso ke esto es una idolatriya Dişeron, estos son los dyozes ke kitaron a ‹srael del Ejipto. İ se fueron detras de sus anos kreyensos.

Aaron syendo esta mala kondukta, fragua una ara (Mizbeah) diez a todo el puevlo ke amanyana es diya de fyesta, estando siguro ke entre myentes va vinir. Moşe Rabenu i no tendron tyempo de adorar a el bezero.

A la demanyano, todos se alevantaron, i mo saviyan lo ke azer. Entre eyos uvo cente ke adoraron i sakrefisyaron a nombre del bezero de oro. El Kriyador ke ninguna koza se enkuvre de el, le dize a Moşe Rabenu esta mala kondukta ke esta tenyendo el puevlo. Ke dezviyaron de ovedeşer sus komondos, amostra suravya i depedrer a todo el puevlo. Le roga a Moşe Rabenu de no avlarle sovre este sujeto.

Moşe Rabenu ke sakrefisyava su kuerpo i su alma por amor de su puevlo İsrael. Le roga al Kriyador de arepintirse de su ravya ke tyene kon el puevlo de İsrael. Por amor de sus padres Avraam Yitshak i Yisrael i tambien no tapen de avlar, los puevlos ajenos. Ansi afalago Moşe Rabenu a el todo poderozo.

El santo bendiço el, kon su buendad se arepyente de atemar a el puevlo cudyo.

Moşe Rabenu desendyo del monte en este mismo diya kon los dos tavlas de la ley en su mano.

Aser kandose Moşe serko el puevlo, se kon sus propyos ojos. El bezero i la alegriya del puevlo, no puede suportar, eça de sus manos las tavlas de la ley i las rompe kema a el bezero. A el Diya Moşe Rabenu suve de nuevo a el monte Sinay, i estuvo ai otras 40 diyas i 40 noçes. Rogando a el Kriyador ke les enprezente enteramente este pekado. El Kriyador le prometyaa Moşe Rabenu ke se repintyo de depedrer a el puevlo enteramente.