P E S A H

Pesah es la fyesta de la libertad, de la independensya. Es la fyesta del retorno del trivo (kabile) a ser una nasyon. Es el nasimyento de la nasyon djudiya. Es la fyesta de fondar un pais muevo, de la unyon i de la solidaridad.

Seyga riko, seyga prove; todos somos iguales (eşit) en el doredor  de la meza de seder.

Es la fyesta ke ambezamos muestras tradisyones a muestros ijos i ijas.

Pesah es el indisyo (delil) de la esperansa.

Mos aze akodrar ke nunka no kale ser dezesperados, mos konseja de ser syempre yenos de esperansa, porke muestro Bendicho Dyo mos ayuda en los momentos los mas difisiles.

Todas las famiyas se arekojen en el doredor de la meza de seder i se akodran de la lejenda de sus ansetros i transferan la istorya de djenerasyon en djenerasyon.

Esta fyesta tyene dos nombres : “PESAH” i

“HAG HA MATSOT”. “Pesah” mos aze akodrar la proteksyon santa mirakoloza (mucizevi), ke en la katastrofa, Dyo detuvo a los ijos de İsrael, leshos de los afedentos (bela). “Hag ha Matsot”; mos akodra  ke en esta semana sakra, va mos a komer solo matsa ke se aze de la arina sin levadura.

El nombre del imno nasyonal (milli marş) de İsrael es “HATİKVA”, ke kere dizir Esperansa.

Las fyestas son las okazyones de aunar a todos en el entorno de una meza. Madres, padres, ijas, ijos, nonas, nonos, inyetas, inyetos, tiyas, tiyos, kosfuegros.... İ en la meza se desha syempre una siya vazia para ke; “el ke tyene ambre venga i koma”.

SEDER;  es la regula de la meza ke se apareja en las kazas djudiyas; por la noche de fyesta kon muncha aplikasyon (özen).

En la meza se topa; los livros de

la Hagada

, vazos de vino para todos i un plato espesyal de seder.

Se mete enriva de un tepsi; un guevo enhaminado, tres matsaz enteras, un pedaso de kodrero kemado, haroset, karpas i maror.

Es una felisidad grande de arekojer toda la famiya akeya noche.

Seygamos syempre aunados i “HAG PESAH SAMEAH”.

 

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın