La ventana de vuestra ermana / El dia de las MUJERES

La ventana de vuestra ermana / El dia de las MUJERES

El 8 marso se fyesta komo  el dia de las mujeres en todo el mundo. Este dia es; el aniversaryo del esforso de las mujeres, para tener lo mizmos derechos kon los ombres.

Este dia se ampeso a fyestar en el anyo 1977. Es un dia de solidaridad entre las mujeres del mundo entero.

La mujer entra a la vida (hayat) de una persona i troka enteramente su vida (yaşam).

Eya traye la esperansa i la alegriya.

Eyas transportan (taşımak) los ijos, las difikultades, los pesgos ma; dan la felisitad i la kerensya al den frente.

Eyas se riyen kuando keren yorar, eyas lavoran volontaryas en todo modo de espasyo. Koryen a los hazinos, dan a komer a los menesterozos, son profesoras, doktoras, avokatas, mujeres de kaza, vizinas i dirijentes de assosyasyones.

Eyas luchan por lo ke se kreyen de aryento de sus korasones, i luchan por la pas, la kerensya i lo djusto.

Eyas pueden komer poko, para ke sus famiyas koman mas muncho, eyas dan apoyo (destek) a sus aliados (dost), keren byen sin kondisyon (koşulsuz).

Eyas son de ves en kuando ombro, de ves en kuando oreja, de ves en kuando una boz ke ayuda al doredor. Mizmo kuando no tyenen fuersa, eyas estan en pyes kon gaava (gurur).

La mujer auna (birleştirmek) a una famiya despues de un pleto.

Es el korason de una mujer ke abolta el mundo.

Una mujer puede yorar i riyir en el mizmo tyempo, puede ser i muy triste, i yena de esperansa. Eya es puederosa (güçlü), es fuerte, es kerensyoza, no se puede espartir de los ke kere byen. No egziste sivilizasyon sin mujer.

La mujer es kapache, tyene afeksyon, tolerensya, i tyene un lugar emportante en la famiya i en todo modo de terreno. Meldi una poesia ke me plazyo i la traduisi por vozotros keridos lektores.

KONOSER LA MUJER

La mujer es saver la kerensya

Partajar, espartirse (bölüşmek)

La mujer korye a los sekretos de la vida

Abriga (barındırır) la kerensya, i la afeksyon

Lucha (savaşır) kon los kaprichos

La mujer es una sonrisa, la mujer es un beso

Eya kere byen sin asperar nada

Eya korye kon su korason a todo

Es madre, es ermana, es ermano, es aliada (dost),

Es mujer de al ke dyo su veluntad (gönül),

Su valor se apresya en su vida

Eya se ve komo diamante kuando se viste.

Fyestaremos syempre el dia de las mujeres kon sanedad i felisitad.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın