El kriyador e dize a Moşe Rabenu ke salga a la gera kontra los midyanim, por kavza ke izyeron verter la sangre de los cudyos. Despues ke se apronte, ke ya vino la fin de su vida.
Moşe Rabenu a un ke entendyo ke su muerte esta dekolgada en esta gera i saviya por siguro ke no se iva murir antes de azer la gera, kon todo, no perdyo tyempo de azer una ora antes el komando de Dyos. Moşe Rabenu mando a midyan 12 mil almas de cudyos a mil personas de kada trivo, debaşo el komandamyento de pinehas ijo de Elazar, gerrayaron kon las midyarim i mataron a sus sinko reyes, i atados los ombres i a Bilam ke estava kon eyos. Kemaron todos las sivdades. El puevlo cudyo ya estava pronto de entrar a la tyera de Kenaan los trivos de Gad i Reuven tenan munças avejas i kuatropeas. Se les aziya menester luguares de apasentar a sus ovejas. Vyendo ke los luguares ke tomaron del Emori, i de el Başan eran unas tyerras muy visyozas, los grande personajes de estas trivos se fueron ande Moşe Rabenu i rogaron si era posivle ke las dyera estas tyerras a eyos por sus parte de erensya, i ke no los izyera pasar por la otra parte de elyarden. Moşe Rabenu le desplaze munço esta demanda de los trivos de Reuven Gad i medyo trivo de Menaşe i les dize: Vuestros ermanos ke vayan a gerear kon sus inimigos, i vozotros kereş estar aki en vuestro ropozo? İ les aze akodrar el pasaje de los meragelim, lo eskulkadores ke kavzaron de estar dyo anyos en el dizyerto. Los trivos ke izyeron esta demanda les prometen a Moşe Rabenu ke eyas vanana gerrar allado de sus ermanos i kuando vana repozar todos sus ermanos en la tyerra. Prometida vana tornar alado de sus famiyas en las tyerras ke eyos enveluntaron.
Moşe Rabenu les dize si vozotros vaja estar fideles en vuestra palavra ke prometiteş, estanses vaja tener merito, en la demanda ke tuviteş. Si azeş la kontra vaja perdrer vuestra razon. Los trivos de Reuven, Gad i medyo trivo de Menaşe kedaron fideles en sus palavras i eredaron los tyerras ke eyos enveluntaron.
