Alüminyum Hurda Geri Dönüşüm

Hanuka 2008-5769

Hanuka 2008-5769

En el anyo 2003 antes la Era Kristiyana, Antiohus el Grande, Rey de Siriya, kon fuersa se apatroneyo de las tyerras de los Djudios. Portanto, les permetyo de pratikar sus Fey i konservar el Koen Agadol... En el reyno de su suksesor, el Rey Selescus, un djudio del nombre de Shimon, kijo ganar su simpatiya. Le disho al Rey ke un grande trezoro estava eskondido en el Templo Sakro... Alora, akontesyo un fakto ekstraordinaryo...

Este trezoro en realidad era destinado para el mantenimyento de bivdas i guerfanos. Kon orden de Selescus, el jeneral Heliodor kjo tomar el trezoro malgrado la fuerte opozisyon del Koen Agadol. El jeneral se akometyo (cüret etmek) a entrar al Sakro de los Sakros. Lugar ande pudiya entrar el grande relijyozo el diya de Kipur para implorar el pardon divino para su puvlo... İ esto, solamente despues de una perfekta purifikasyon (arınma).

Apenas Heliodor entro al lugar Sakro, El Poder Divino se manifesto. Un kavalyero misteryozo, armado, salto ensima del jeneral, firyendolo de negra manera i deshandolo medyo muerto sovre las lajas del Templo. El Koen Agadol imploro el Todo Poderozo de no matar el jeneral. Ansi, iva ir a su Rey, kontarle lo ke afito... Efektivamente, konto la terivle eksperyensa, adjustando: “Senyor, si dezeyash kastigar vuestros  enemigos devesh mandarlos al Templo de Yerushalayim..”

Antiohus Epifanes (el loko) ke paso mas despues al trono, era orgolyozo de su kultura, tratando los djudios de barbaros i primitivos... Kastigandolos sin piadad, forsandolos a abandonar sus Fey i pasar al Paganismo. Esta epoka era una perioda terivle para el Judaizmo. Syertos djudios, al empesijo tolerentes a la kultura elenistika, se rendyeron kuento del peligro, del kulto konsakrado al idolo Zeus. Los djudios kreentes orrifiados, vyeron entre eyos,  munchos prontos a la asimilasyon i a abandonar los preseptos de la Tora.

Antiohus desidado a konvertir los djudios al Paganismo, un Shabat entro al Templo, destruyo, profano, sakeo i mato los kreentes kon el buto de instituir (kurumsallaştırmak) el Kulto de Jupiter. Los djudios ke refuzaron, fueron martirizados. Entre las viktimas ke preferaron la muerte al lugar del paganismo, los mas ilustros fueron el veneravle Elazar i Hanna kon sus 7 ijos...

El aedado Elazar era un grande savyo. Refuzo de komer karne de puerko, deklarando ke estava pronto a murir, por no pekar: “No kero dezonorar mi vejes. En muryendo fidel a mi D., esto deshando a mis dishiplos el egzempyo de una fidelidad a los komandamyentos de la Tora...” Hanna i sus 7 ijos fueron martirizados por la mizma razon. Esta famiya se aparyentava kon los Makabeos. La madre i los ijos konosyeron las mas terivles torturas, por no kerer akseptar de enkorvarsen delantre Jupiter... Por no aver akseptado de komer la karne del sakrifisyo destinado a Zeus...

Matias, ijo del Koen Agadol Yohanan dyo el primer sinyal de la revolta: “ Ke me sigen los ke keren kedar fidel a D. i a su Fey...” Ansi dizyendo fuyo a las montanyas kon sus 5 ijos: Yonatan, Elazar, Yeuda, Yohanan, , Shimon i kon nombrozos kreentes. Traversaron el pais, arrondjando las fuersas estranyeras, destruyendo las figuras de los idolos i establesyendo el Kulto de D. Yeuda, asigun la sava de su padre, kontinuo la lucha para la liberasyon, enkavesando las fuersas djudias. Desfio los jenerales de Antiohus en los kampos de batalya i reusho a tomar Yerushalayim. Por empesar, purifiko el Templo profanado i establesyo el vero Kulto.

El Sanktuaryo fue reparado i konsakrado al Eternal, kon una dedikas (ithaf) sublima ke turo 8 diyas. Estos aktos de grasya dyeron lugar a la fyesta de Hanuka ke selebramos lealmente desde siglos. Kon alegriya i konviksyon por onorar eroes, martiryos ke pyedreron la vida para salvar el Judaizmo i glorifikar el nombre del Todo Poderozo... Hanuka Alegre...

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın