Alüminyum Hurda Geri Dönüşüm

BEAR

Kuando vaja vinir a la tyerra ke vos va dar el Kriyador algara la tyera. Seş anyos sembraras tu konpo I arekojeras tu produkto. En el anyo syeteno avra Şabat de algansa a la tyerra. No sembraras tu kanpo, lo ke kresyo de suyo entu kanpo no apartyene ato, anyo de algansa sera a la tyerra. El Şabat de la tyerra vos sera para komer, a ti a tu syervo a tu syerva, a tu alkilado, a tu kuatro pez, i a la bestya ke uvyere en tu tyerre sera su muevo para komer. El eskopo de todas las enkomendansas es, de azer a kodrar a el ombre, ke es ovligado de afirmar las enkomendansas ke nos dyo el Kriyador. La entisyon de las enkomendansas es: Ke sepa el ombre ke ay un Kriyador ke podesta sovre el. Despues ke nos dyo el Kriyador  la tyera la persona deve de saver. Ke el patron no es el, sino ke es el Kriyador. I por ke no se olvide el ombre estando en la bondansa, nos dyo el todo poderozo fueros i cuisyos por afirmar.

El sinyor de el mundo kuando nos dyo un kanpo nos enkomendo tambien komo devemos de arar i sembrar el kanpo. De no arar la tyera encuntos. Kon dos jeneros de animal azniko i buey de no sembrar dos jeneros encuntos (Kilayim) en arekojendo el produkto de deşar los bodres del kanpo para los menesterozos. Si se olvido del prodükto ke se va yevar a su kaza, de no tornar al kappa a tomar sino ke es el merito menesterozos de apartar dela bendisyon ke le dyo el Kriyador apartadura para el Koen el Levi i el menesteroza. De bendizir a el Kriyador por la abondansa ke le dyo.

Esto es el eskopo de la peraşa ke dize Kuando vaja vinir a la tyerra ke vos vadar, por enbezarmas. La tyerra ke nos dyo por regalo el Kriyador no kere dizir ke somos nozotros los patrones i olvidarmos a el patron ke apartiene todo a el. El repozo ke damos a a tyerra mostra ke la tyerra apartiene a el Kriyador i nozotros somos solamante los lavarantes, i no tenemos lesensya de lavorarla syete anyos. Komo eksplika Arambam en las eksplikasyones del sinyor de Raşi: La persona se deve de santefikarse en diya de Şabat, aleşarse de todo modo de egoismo. Seş diyas el ombre esta entremetido en su lavoro, i le parese ke las prosperidad es kon su fuersa. Pero en diya de Şabat ke es diya de repozo i algansa de endido de azer lavoro es apropyado a el santa bendiço el. Esto es ke kijo eksplikar el sinyor de Raşi, el Diya santo de Şabat se igula kon el syeten anyo de repozo de la tyera (Şemita). Ke pueda pensar el ombre ke el no es el patron de la tyera, sino ke el Kriyador podesta sovre el mundo i sus kriyansas. La mitsva de Şemita (Seten anyo) enfortese en la persona la fey la Kreyensa. Ken afirma esta enkomendansa es yamada baragan. Enel livro de teilim meldamos un verseto dizyendo: Bendizid a el Kriyador baraganes ke azen oyen la palavra de Dyos. Dize el Midraş este verseto a diço por los ke aplikan la mitsva del syeten anyo (Şeviit) Kontenua el Midraş dizyendo la persona aze una mitsva por un diya, por una semana o par un mez una el patron del kampo a de la vinya. Ke ve a su kanpo a su vinya desolada i la deşa i afirma la mitsva. Es ke puede egzister mas baragan ke esta persona? Komo en los Malahim angeles no egziste yetser ara sintimetos non buenas. Tambien esta persona ke ve a su kanpo desolado i se alegra de azer la enkomendansa del Kriyador es un anjelo.

 

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın