La ventana de vuestra ermana : “Purim Purim lanu Pesah en la mano”

La ventana de vuestra ermana : “Purim Purim lanu Pesah en la mano”

Ya pasimos la fyesta de Purim, kon muncha alegriya. Esta fyesta se selebro; kaji en todas las sinagogas, en todas las assosyasyones (dernek), establesimyentos (kurum), i en la eskola djudiya. Munchas personas assistyeron a estas selebrasyones.

En una de las assosyasyones; esta fyesta tuvo lugar en una manera muy diferente de las otras.

 SEYFİ İŞMAN; el dentisto konosido de muestra komunitad; kon su fuersa kreativa (yaratıcı güç), mos yevo fina la sivdad de ŞUŞAN adaptada (uyarlanmış) al diya de oy.

Seyfi kon su ekipa; mos izo una demonstrasyon de

la MEGİLA ESTER

; akompanyada de muzika.

El adapto todas las kantikas, komo si biviyan oy en diya. Fue una nochada muy reushida; alegre,kon muncha djente, un rejisor reushido.

Kale felisitarlo; por el cenyo (deha) de esta organizasyon, por su kapachitad i por su enerjiya sin fin.

Kerido Seyfi; i yo te esto ogurando munchas reushitades en el espasyo (alan) del arte (sanat); porke tyenes un talento (yetenek) espesyal en este sujeto.

Las aktivitades artistikas estan kontinuando en todo modo de organizasyon.

Despues de la organizasyon fantastika del anyo pasado MASADA; el grupo de las mujeres del DOSTLUK YURDU DERNE/İ, aparejaron un teatro; ke esta djugando en la eskola.

Antes de azer los komentaryos (yorum) del teatro; kero avlar un poko de la kerensya.

Todo empesa en la vida kon la kerensya; kon kerer byen a la persona. Kerer byen; es el atamyento (bağlılık) a la vida. La kerensya es komo un pelato (yumak, sevgi yumağı). Un pelato ke las personas se aunan (birleşmek) para formarlo.

Los dirijentes del Dostluk; ke el senso de  este byervo es Amistad; lavoran komo volontaryos, bazados enriva el fondamyento (temel); de la unyon, de la solidaridad, de la kerensya i de la tolerensya.

Mizmo ke los dirijentes del konsilyo de administrasyon (yönetim kurulu); se trokan kada dos anyos; los ke vyenen, dan emportansa a las ideas i a las eksperyensas de los dirijentes vyejos (eski); i por esto reushen en todo los espasyos.

Ombres, mujeres i mansevos son una famiya aunada, unos kon los otros.

Todos arisiven kon sus karas riyendos a los espektadores (seyirci) en mostrandoles el lugar ande se van a asentar.

La presidente de las mujeres; VİVİ BEESKİNAZİ; kon su veluntad (azim) i su pasyon (tutku); izo progresar (ilerletmek) su assosyasyon.

Las relasyones ke tyene kon las personas son positivas. Eya perkura por todos, mizmo si pasa anyos.

En todo modo de lugar los kolaboratores vyejos (eski yöneticiler) son olvidados, ma en el DOSTLUK ; los ke ya terminaron sus doveres son inolvidavles (unutulmaz); Nunka, no son olvidados!.....

Este djugo se aparejo kon muncho esforso (emek), devuamyento (özveri) i lavoro.

Komo dize el famozo eskrivano PASCAL:

“La reushitad es la fruta de tres kozas”:

- El talento,

- El lavoro,

- La şans .

-  Kale apresyar  aki; el apoyo del rejisor mansevo de 24 anyos :FERİT KOEN; ke kon su savedurya (bilgi), kon su pasensya i su maturidad (olgunluk) gano la kerensya i el respekto de la ekipa entera.

- Kero felisitar este grupo de teatro; del mas chiko, al mas grande por su enerjiya i por su luz ke esta refletando (yansıtmak) al den frente.

- Syempre de mijor a mijor!..

- Ya savemos todos ke el mez de nisan; es el primer mez del kalendaryo djudyo ke da, la novela (müjde) de la primavera.

- Fina dos semanas ya va mos a fyestar Pesah.

- Keridas Ermanas; vos esto ogurando; fuersa buena para aparejar las komidas savrozas del seder; i para arekojer vuestras famiyas kon felisidad (mutluluk) i alegriya.

- Todos estaremos endjuntos sin sar i sin mal.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın