Alüminyum Hurda Geri Dönüşüm

La peraşa de la semana / Vezot Aberaha

 

El todo poderozo le dişo a Moşe Rabenu, ke ya arivo su ultimo tyempo, ke ya arivo al kavo de su vida. Ke suva al monte de Avarim ke se nombro tambien Ar Nevo (monte de Nevo) ke es enfrente de la sivdad. Yeriho sovre los bodres de el yarden. Ke veya de enfrente la tyera de Kenaan Ke el todo poderoz la dyo a İsrael ke se muera en este monte, i ke su alma repoze kon sus padres.
Estonses bendişo Moşe Rabenu a todo el puevlo de İsrael a kada triva aparte, sigun su pareser i los akavido por la ultimo vez ke tomen a korason de guadrar i azer eyos i sus ijos i todo sus jenerasyones, todas las palavras de la ley, tonto los ke son entendivles kon la idea, tahto los ke no se entyenden. Ke sepan por sigura ke es kon la fuersa de la ley solomente lo ke pueden sostenersen i alargar diyes sovre la tyera bendiça. Despues suvyo Moşe Rabenu al monte de nevo, sigun el komando del Dyo, i le amostro el. Todo poderozo Toda la tyera ke les dyo a İsrael por todos sus terminos, Moşe Rabenu muryo sovre el orden de el Dyo. Se entero el mismo en una meara nombrada Gay i ninguno pudo saver ke manera fue se enteramyento i onde es su tomba.
Moşe Rabenu muryo a la edad de 120 anyos. No tuvo ninguna flakeza, en su kuerpo sus ojos no se le eskuresyeron, su freskor iI su kloredad de sus fases no se demudo.
Moşe Rabenu no tuvo un monumento. Portanto a su nombradiya i su bueno fama no se depyedre nunka de los korasones de el puevlo cudyo asta syempre. Todo tyempo ke ay cudyos i ley egsiste Moşe Rabenu. El Kriyador le izo eskrivir a Moşe Rabenu en la ley santa, anteas de su muerte, estas mismos palavras.
No se levanta mas nunka Profeta en Yisrael komo Moşe, ke lo konosya a el Dyo de una manera muy Klara, lo enkargo el Dyo por azer todas las sinyales i maraviyas en ejipto kon para i todo su puevlo. Todo el puevlo i todo el poder fuerte ke le dyo en su mano, i todas las kozas temerozas, ke izo Moşe a ojos de todo Yisrael.

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın