Tuve la okazion i el mazal de pueder asistir a dos konsertos maraviyozos:
- Morning Concert: Young Talents from Gümüşlük Festival Academy: 5 /6 Agosto 07.00. Lugar: Şevket Sabancı Park.
I la luzyor del parko en estos diyas de vakansas en la kosta de la mar Egea es un sonyo. Sovretodo en el amaneser... una eksperiensa eksepsional.
Gümüşlük Festival Academy (Gfa) topa fondos para artistos mansevos.
Bahar Yargı: Violin
Beliz Güney: Violoncello
Zeynep Yargı: Piano
Beril Eren: Piano
Program:
Jules Massenet (1842-1912) - Meditation.
Joseph Joachim (1831 1907) – Romance Op. 2 no. 1. Ludwig van Beethoven (1770-1827) - Handel’s Judas Maccabaeus.
Luigi Boccherini (1743-1805) - Violoncello Sonata.
Camille Saint-Saëns - (1835-1921) - Allegro Appassionato.
Desde 2006, la akademia se okupa de azer enkontrar los famozos virtuozos mondiales kon los estudiantes de piano, violino, cello, harp, konduksion, kante, kompozision i gitara. GFA distribuo 1200 sertifikados a elevos talentuozos. Este anyo tambien 9 elevos resivieron fondos para el estranjero.
La inisiativa de GFA es remarkavle en su kamino de kerer mijorar la vida artistika i kultural de la Turkiya.
Algunos talentuozos jovenes pueden topar la oportunidad de segir sus karieras internasionales en kontaktandolos:
GFA Support Fund for Young Musicians: [email protected]
Rengrasiamos los responsavles por el festival agradavle ke mos ofresieron: KONSERTOS kon los famozos pianistos Gülsin Onay i Fazıl Say, Cyprien Katsaris, Konrad Richter, Aleksandr Markov - violino, i munchos otros.
Esperamos no mankar nunka de konsertos.