La evolusyon de Israel

Şeli GAON Judeo-Espanyol
20 Haziran 2018 Çarşamba

La semana ultima estuve en Israel, para vijitar mis keridos; seyga mi famiya, seyga los aedados ke me okupo kon grande amistad, ke me asperan kon grande eskarinyo.

Komo esto viyajando kada tres kuatro mezes, me esto sorprendyendo (şaşırmak) de los trokamyentos, de la evolusyon del pais en todo modo punto de vista. Por esto esta semana kije eskrivir en el sujeto de muestra tyerra sakra, las evolusyones en los puntos de formasyon (eğitim), teknolojiya, industriya (endüstri), medisina, biyoteknolojiya, enerjiya optika, la teknolojiya de arrufyar en gota (damla sulama teknolojisi), la teknolojiya de analiza optika a los insektos (böceklere optik inceleme) i el sekreto de transformar el dezyerto (çöl) a un miraklo vedre (yeşil mucize). Kuando Israel deklaro su independensya en 1948, teniya diversos problemes de egzistensya. Esta komunidad paso munchas difikultades para pueder kontinuar su egzistensya. No puediyamos pensar ni asperar ke puediya realizar reushidades grandes sovre el punto de ekonomiya i teknolojiya. Siyantifikos (bilim adamı) Israelyanos kontribuaron a la evolusyon de la agrikultura (tarım), informatika (bilgisayar bilimleri), elektronika, jenetika, medisina (tıp), la enerjiya solar (güneş enerjisi) i munchos otros espasyos de enjenyores (mühendislik alanı).

“Technion” es una universidad respektada en el mundo entero i kontyene syete institusyones de edukasyon superyor al mas alto nivel.

“La Universidad Ebraika de Yerushalayim” es la universitad la mas vyeja de Israel.

Israel izo emportantes kontribusyones teorikas i praktikas para la bioteknolojiya.

En Israel en mizmo tyempo se produizo instrumentos medikales komplikados ke se estan utilizando seyga diagnostikamente (teşhis) seyga para kurar los hazinos. Por egzempyo, scaneres de tomografiya komputarizada (bilgisayar tomografi tarayıcıları), sistemas de MRI, scaneres ultrasonikos (ultrason tarayıcıları) i los lazeres ke se estan utilizando en las operasyones……

Israel es el primer pais en el mundo entero ke esta utilizando la enerjiya solar en todo modo de nivel, i en kada kaza kayentadores de agua kon la enerjiya solar. Israel utiliza la enerjiya del ayre, la enerjiya jeotermal i esta azyendo munchas investigasyones en sujetos diferentes.

Israel tyene una enerjiya kreativa. Mas de la mitad del pais esta seko (kurak), tyene un klima seko,  i solamente el 20% de las tyerras son konvenivles a la agrikultura (tarım). Malgrado esta situasyon, esta kompansando todas las nesesidades agrikolas kon su propya produksyon. A parte de esto esta eksportando (ihraç etmek) a los paizes diferentes 1.5 milyones de dolares de produksyones agrikoles (tarımsal ürün).

La baza de kada envansyon (icat) nase de la nesesidad. Israel tyene un orijin de agua limitada i poka luvya. Por esto kreo la teknolojiya de arrufyar de gota (damla sulama teknolojisi).

La kreatividad de utilizar kon formas limitadas de Israel no es solo en la agrikultura. Uno de los mas grandes syerkos (çöp) del pais se transformo a un parko nomado el parko de Ariel Şaron.

El anyo pasado la universitad Ben-Gurion ke se topa en Negev izo una kolaborasyon kon la universitad “Bostwana Universidad Internasyonal de Siensya i de Teknolojiya” i fue pionarya (öncü) para ke esta teknolojiya de arrufyar en gota se propaje en la Afrika.

La agrikultura de Israel se realiza en granjas (çiftlik) ke se yaman “Kibutz” i “Moshav”. Los kibutzsez kon los moshaves estan kultivando el 81% de los produktos agrikoles. A parte; las aguas ke se estan utilizando en la agrikultura se estan purifikando (arındırmak) i resiklando (geri dönüşüm) i asi se esta ekonomizando 30% de la agua.