Un evenimyento, una dicha/un proverbo

Judeo-Espanyol
6 Haziran 2018 Çarşamba

Eyal&Silvyo Ovadya


El prenyado i el dukado, nunka kedan kayados

Hamilelik ve para asla susmazlar

 

En enverano moramos en la Büyükada. Oy en diya los rikos ke seyan djudios o no, en enverano preferan ir a Bodrum o a Çeşme en lugar de vinir a la Ada. Ma no es muy fasil de pueder pagar todos estos gastes. Los ke se van a Bodrum o a Çeşme, los maridos kontinuan a lavorar en Estanbol, i las fin de semanas se van dos, tres o kuatro diyas kon avion a pasar la fin de las semanas kon sus famiyas. I todos son muy kontentes de estas vakansas.

Tenemos un vizino en muestro apartamento en la Ada ke reelmente es un ombre muy modesto. Mi ijo ke es amigo kon su ijo estavan endjuntos diya de alhad i kuando torno a kaza me konto por su amigo ke este enverano se van a ir un mez a Çeşme i el padre ke tyene un buen echo va vinir entre semana a Estanbol. I en Agosto se van a ir una semana kon un motor – yat a pasear en la Mar Ege i dospues van a vinir a la Ada. I mi ijo kon su ojos kijo demandarme si eran muy rikos para pueder gastar estas paras. Le respondi: “El prenyado i el dukado, nunka kedan kayados”.

Yaz aylarında Büyükada’da oturuyoruz. Toplumumuz üyesi olsun veya olmasın önemli bir varlıklı kesim Ada’ya geleceğine Bodrum veya Çeşme’ye gitmeyi tercih ediyorlar. Ancak tüm bu masrafları ödeyebilmek de pek kolay değil. Çeşme veya Bodrum’a giden ailelerin erkek bireyleri İstanbul’daki işlerine gitmeyi sürdürürler. Hafta sonları iki, üç hatta dört günlerini uçakla seyahat ederek ailelerinin yanında geçirmeye giderler. Herkes bu tatilden çok memnundur.

Yazlık sitemizde gerçekten çok mazbut bir komşumuz var. Oğluyla arkadaş olan oğlum geçtiğimiz Pazar günü onunla birlikteydi. Eve döndüğünde oğlum arkadaşının ailece bu yaz bir ay Çeşme’ye gideceklerini ve ağustos ayı başında bir tekne-yat ile Ege Denizinde dolaşacaklarını anlatmış. Çeşme’de  iken babası hafta arası günlerini başarılı olduğu İstanbul’daki işinde geçirecekmiş. Ağustos’un son üç haftası da Ada’da olacaklarmış. Oğlum gözleriyle “Baba tüm bunları harcayacak kadar zenginler mi? diye soruyordu! Onu şöyle yanıtladım “El prenyado i el dukado, nunka kedan kayados / Hamilelik ve para asla susmazlar”.

 

 

——————————————————————