Un festival, una ekspozisyon i un konserto

Silvyo OVADYA Köşe Yazısı
25 Nisan 2018 Çarşamba

A la fin de esta semana en el kampus Santral İstanbul de la Universitad Bilgi se va realizar un Festival de las Kulturas de Estanbol. En esta aktivitad, muestro amigo Alberto Modiano va mostrar un dokumentaryo sovre la piyesa “Kula930”. Esta aktivitad va tener lugar dia de shabat el 28 Nisan, a las 16:00. Dospues del filmo se va realizar un panel kon la partisipasyon de Karen Şarhon i İzzet Bana. Durante esta aktivitad, Alberto Modiano va ekspozar sus maraviyozas fotos sovre “Kula930”.

El mizmo diya a las 20.00 el koro Nes enkavesada por el Sinyor İzzet Bana va dar un konserto. Savemos ke las semanas dalkavo las dammas del Nes estan muy aktual. Eyas lavoran muncho i komo kada persona ke lavora muncho reushen.

Diya de alhad vamos a ver un filmo “Hermana” ke tyene komo sujeto los Djudios Ankaralis i ke fue filmado por el istoryano Enver Arcak. Malgrado ke bive en Ankara, va estar pronto para la prezentasion del filmo i dospues vamos a tener la posibilidad de konoserlo.

El mizmo diya en un atolye de linguas muestro Sentro Sefaradi va tener la oportunidad de partisipar.

Por mas munchos detalyos puedesh mirar en el internet.

Vos esto avlando agora de una ekspozisyon “Edirne’de Karşılaşmalar / Enkontras en Edirne” i de un konserto ke se van a realizer en Edirne el 13 Mayo 2018, en la sinagoga grandioza de Edirne. Sin olvidar ke estamos organizando un barbekyu parti en la guerta de la Sinagoga. I tenesh la posibilidad de komer ligado (ciğer) d’Edirne i kasher.

Kada anyo la Kolektivitad Djudia d’Estanbol organiza en el mez de mayo un diya asemejante.

Para partisipar puedesh telefonar a:

Emel Benbasat: 0555/5956358   [email protected];

Dalia Maya: [email protected];

Tilda: 0212/2404144

Las invitasyones van a ser prezentadas a vuestros adresos.