Compass doganbaruh

Tsav

La manera de la enkomendansa ke enkomendo el Kriyador a Aaron Akoen, sigun Rashi, i munchos komantaryos, demostran de ser akavidado en el sirvisyo de la santedad i de no ser haragan. Las enkomendansas i las echas buenas se deven de azer kon un grande antusyasmo. Aman ke kijo enmaleser a el puevlo djudyo en ojos de Ahashverosh, Rey de Paras, le dize egziste un puevlo entre nozotros ke ni a tus ordenes respektan, ni sus doveres egzikuten. Le kijo dizir ke no tyenen antusyasmo por aplikar sus doveres.

I Amelek vino a pelear kon el puevlo djudyo kuando estavan floshos vizavi de los misvot. Pero, kuando se aunaron a orasyonar por sus vidas i vidas de sus ninyos, se esperto Ahashverosh dizyendo ke le melden el livro de las membrasyones. Kuando nozotros azemos nuestros doveres, kon un antusyasmo, el Kriyador de vista nos ayuda. Ek el Kriyador, ni durme ni adurmese el guadrador de Israel.

Ser akavidozo kere dizir de no deshar lo ke deve de azer oy, al dia de amanyana. Aman mando kon prisa personas a las sivdades de el pais Paras. Has ve Shalom, por atemar a el puevlo djudyo. Mordehay kon ayuda de el Kriyador, trusho la salvasyon de kontino a el puevlo djudyo. Trusho alegriya, luz i gozo a el puevlo. En pasaje de Purim nos enbeza de tener la esperansa solo i  solo en el Kriyador.

La santedad de Aaron poseda el puevlo komo esta eskrito en la perasha de Yitro: “vozotros vash a ser reynado de Saturdes, Koanim i djente santa”. Komo en la perasha Tsav vemos ke Aaron deve ser akavidozo en sus misyones, ansi nozotros el puevlo djudyo devemos ser akavidados, i afirmar las enkomendansas kon un grande antusyasmo.

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın