DANGAL-de Aamir Khan

Un filmo ke konta sovre dos ermanas de Hayana-Balali (Hindu) i sus performansas sportivas de luchadoras. Geeta Phogat (28) i Babita Kumari (26), las dos ermanas: “Muestro padre mos ambezo de no espantarmos nunka i de ser korajozas, por muestra IDENTITA FEMININA...”

DANGAL-de Aamir Khan

El filmo DANGAL ke me enkanto, fue el filmo ke izo ganar el mas grande montante entre los filmos de India. Es un filmo Bollywood. No se trata de romantismo.

Es una estoria real de las ermanas luchadoras de reputasion mondial.

El padre, Mahavir Singh Phogat, avia esperado tener un ijo i prepararlo seriozamente a ser un luchador profesional, no solo komo el mizmo de un amator, ma ser un sportivo i ganar premios, sovre todo una medalya de oro. No solo por su famiya - keriya trokar i elevar su pais, la INDIA.

Despues de kuatro ijas, desidio ke i las ijas, deke no, pueden ser luchadoras, komo un ombre... Disiplinado, kijo dar a sus ijas el koraje de no ser solo la mujer ke se kaza, ke pare, ke save elevar sus famiyas, ma i trokar el punto de vista de las reglas rijidas de su payis i bushkar mas i mas...

Un padre ke desida, por la primera vez en su kazal, de no dar importansa a lo ke se va avlar i komo lo van a kritikar por la razon de ser un revoltado.

El respekto i la armonia de la famiya bien edukada, fue establesido por el padre i la madre.

Antes de empesar su suenyo, Mahavir S. Phogat reunisa su famiya i konta su projeto, partikularmente a su espoza.

“Te va demandar un plazer, solo por un anyo. Me va okupar de la edukasion, mizmo de la nutrision de Geeta i Babita. Ya se ke sera difisil para ti i para las ijas. Ma devesh de tener pasensia todas las tres porke las va preparar. I keremos todos por eyas una kariera i sukseso. La mujer merese i mis ijas seran un Role-model por mi payis: Azer akseptar ke la mujer merese de tener ‘un lugar en el sol’.

El kazal entero se burla del padre ke las forma komo ijos:

Alevantarlas a las 5 de madrugadas, despues mandarlas a la eskola, desidar de lo ke no deven de komer, kortar sus kaveyos largos, vistirlas kon shortes i t-shortes.

A la eskola, los elevos se riyen de verlas, no las deshan trankilas, ma se espantan de ser aharvados.

Los amigos konsejan el padre de no kontinuar i le dizen:

“Saves ke no vas a topar de kazarlas en este kampo. Las estas matando.”

La desizion fue tomada de kontinuar el kamino ke se fue trasado. Las ijas, malgrado la difikultad i la disiplina, son konsiliadoras i respektuozas, tienen konfiensa en el ke yaman “Papa”.

El lavoro no es fasil, es agotador. Tienen de ir sin falta fina la fin. Un filmo importante ke tuvo grande sukseso. Realisto.

Keridos lektores, no vos kontare mas. Vash a deskuvrir la sorpreza a la fin.

Anyada Buena!

İLGİLİ HABERLER

Siz de yorumunuzu yapın

Tüm Yorumları Görün
Yorum Yapmak için üye girişi yapın!Yorum yapabilmek için üye girişi yapmanız gerekiyor...
Üye Girişi yapmak için Tıklayın